MNP ၊ မတ် ၁၅
ရှမ်းပြည်နယ်(တောင်ပိုင်း)၊ နမ့်စန်ခရိုင်၊ မိုးနဲမြို့နယ် နာဟောင်ရပ်ကွက်နေ တောင်သူဦးမြင့်ဦး၏ ယာခင်း၌ ဖရုံသီးဈေးကောင်းရရှိနေသဖြင့် ဖရုံပင်များ စတင်စိုက်ပျိုးထားကြောင်း သိရသည်။
ဖရုံပင်များ စတင်စိုက်ပျိုးရာတွင် တွင်းတူး၍ အစေ့ချစိုက်ပျိုးထားကြောင်း၊ အပတ်စဉ် ရေလောင်းပေါင်းသင်ပေးကြောင်း၊ တစ်ပိုင်တစ်နိုင် စိုက်ပျိုးခြင်းဖြစ်သည့်အတွက် အပင် ၄၀ ခန့်သာစိုက်ပျိုးထားကြောင်း၊ စိုက်ပျိုးပြီး ၁ ပတ်ကြာချိန်တွင် ပုလဲမြေဩဇာထည့်သွင်း အသုံးပြုပေးသွားမည်ဖြစ်ကြောင်း၊ ယာခင်းအတွင်း သခွား၊ ငရုတ်၊ ဂေါ်ဖီထုပ်၊ ကြက်သွန်ဖြူတို့ကိုပါ စိုက်ပျိုးထားကြောင်း၊ ရေလုံလောက်စွာရရှိသဖြင့် ယာခင်းအတွင်းစိုက်ပျိုးသမျှ အပင်ကြီးထွားနူန်းကောင်းကြောင်း၊ မြို့မဈေးကြီးတွင် ဖရုံသီးအသေးတစ်လုံးလျှင် ကျပ်(၁၀၀၀)ပေါက်ဈေးရှိကြောင်း၊ မိမိယာခင်းအတွင်း ဖရုံပင်များမှ ဖရုံသီးများ ခူးဆွတ်ရောင်းချရသည့်အခါတွင်လည်း ဈေးကောင်းရရှိရန် မျှော်လင့်ကြောင်း တောင်သူ ဦးမြင့်ဦးထံမှ သိရသည်။
ဇင်ကိုကို
https://t.me/MyanmarNationalPost
No comments:
Post a Comment