MNP - မတ် ၁
ပဲခူးတိုင်းဒေသကြီး ပြည်ခရိုင် ရွှေတောင် မြို့နယ်၌ တောင်သူများအနေဖြင့် နွေစပါးများကို ထပ်မံစိုက်ပျိုးလျက်ရှိသည်။
ရွှေတောင် မြို့နယ်တွင် ဆည်ရေဖြင့် နွေစပါး စိုက်ပျိုးလျက်ရှိပြီး၊ ၂၀၂၂-၂၀၂၃ ခုနှစ် နွေစပါးစိုက်ဧက (၁၁၉၅) လျာထားဆောင်ရွက်လျက်ရှိရာ (၁၁၉၅) ဧက ရာနှုန်းပြည့်စိုက်ပျိုးပြီးစီးကြောင်းသိရသည်။
တောင်သူများအနေဖြင့် ရက် ၉၀ စပါးမျိုး၊ ရတနာတိုး၊ GW-11၊ ဆင်းသုခနှင့် မှော်ဘီ-၃ စပါးမျိုးများကို အများဆုံးစိုက်ပျိုးထားရှိလျက်ရှိကြောင်းနှင့် လိုအပ်သောမျိုးစပါးများနှင့် စိုက်ပျိုးရေးနည်းစနစ်များကို မြို့နယ်စိုက်ပျိုးရေးဦးစီးဋ္ဌာနမှ ဖြန့်ဖြူးပံ့ပိုးပေးလျက်ရှိကြောင်း သိရသည်။
ရွှေတောင်မြို့နယ် တွင်လယ်ယာကဏ္ဍ သီးနှံစိုက်ပျိုးထုတ်လုပ်မှု မြင့်မား တိုးတက်ရေး၊ အရည်အသွေးကောင်းမွန်ရေး၊ ဒေသတွင်းစားနပ်ရိက္ခာ ဖူလုံပိုလျှံစေရေးတို့အတွက် ဆောင်ရွက်လျက်ရှိကြောင်း မြို့နယ်စိုက်ပျိုးရေးဦးစီးဋ္ဌာနမှ သိရသည်။
ကိုကိုမင်း
https://t.me/MyanmarNationalPost
No comments:
Post a Comment