MNP ၊ ဧပြီ ၃
ရခိုင်ပြည်နယ်၊ အမ်းခရိုင်၊ အမ်းမြို့နယ်တွင် ပါဠိပထမပြန်စာမေးပွဲ၌ အောင်မြင်တော်မူခဲ့ကြသည် စာအောင်သံဃာတော်များနှင့်လူပုဂ္ဂိုလ်များအား ဆုချီးမြှင့်သည့် စူဠဘွဲ့နှင်း သဘင်အခမ်းအနားကို ယနေ့ညနေ ၃ နာရီ ၃၀အချိန်က အမှတ် ( ၃)ရပ်ကွက်ဓမ္မရက္ခိတ ကုန်းဓာတ်ပေါင်းစုစေတီတော် မြတ်စွယ်တော်ဓမ္မာရုံတော်အတွင်း ၌ ကျင်းပပြုလုပ်ခဲ့သည်။
ရှေးဦးစွာအခမ်းအနားအား နမောတဿသုံးကြိမ်ရွတ်ဆိုဘုရားကန်တော့၍ ဖွင့်လှစ်ခဲ့ပြီး မြို့နယ်သံဃနာယက ဆရာ တော်ထံမှ ငါးပါးသီလခံယူဆောက် တည်ခဲ့ကြသည်။ဆက်လက်၍ ပါဠိပထမပြန်စာမေးပွဲ၌ စာအောင်သံဃာတော်( ၅)ပါးနှင့်လူပုဂ္ဂိုလ်( ၄)ဦးတို့အား မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးစိုးမင်းထက်နှင့်မြို့နယ်စီမံအုပ်ချုပ်ရေးအဖွဲ့ဝင်များ၊ ဌာနဆိုင်ရာများနှင့် အလှူရှင်များက စာအောင်ဆုလက်မှတ်နှင့် လှူဖွယ်ဝတ္ထုပစ္စည်းများဆက်ကပ်လှူဒါန်းခဲ့ကြသည်။ ထို့နောက် လှူဒါန်းမှုအစုစုတို့အတွက် ရေစက်သွန်းချအမျှပေးဝေခဲ့ကြကာ အခမ်းအနားကို ဗုဒ္ဓသာသနံ စိရံ တိဋ္ဌတုသုံးကြိမ်ရွတ်ဆိုကာ အောင်မြင်စွာ ရုပ်သိမ်းခဲ့သည်။
ယနေ့ကျင်းပပြုလုပ်သည့် စူဠဘွဲ့နှင်း သဘင် အခမ်းအနားတွင် အစိုးရပါဠိပထမပြန်စာမေးပွဲ၌ အခြေပြုမူလတန်း(၃)ပါး၊ လူပုဂ္ဂိုလ် (၂)ဦး၊ပထမလတ် တန်းလူပုဂ္ဂိုလ်(၂)ဦး၊ ပထမကြီး (၂ )ပါးစုစုပေါင်းစာအောင်သံဃာတော် (၅)ပါးနှင့် လူပုဂ္ဂိုလ်( ၄)ဦးရှိ၍မြို့ နယ်အဆင့်စာအောင်သံဃာတော်နှင့်လူပုဂ္ဂိုလ်(၉)ပါးရှိကြောင်းမြို့နယ်သာသနာရေးဦးစီးဌာနမှသိရသည်။
စိုးမင်းထွန်း
https://t.me/MyanmarNationalPost
No comments:
Post a Comment