MNP ၊ မေ ၉
ရခိုင်ပြည်နယ်၊ သံတွဲခရိုင်၊ ကျိန္တလီမြို့အတွင်းရှိ ဌာနဆိုင်ရာဝန်ထမ်းများနှင့် မိသားစုဝင်များအား စတုတ္ထအကြိမ်ထိုးနှံပြီးစီး၍ ခြောက်လပြည့်သူများကို ယမန်နေ့ နံနက်ပိုင်းမှစတင်၍ ကျိန္တလီမြို့ ကျန်းမာရေးဌာန၌ ကိုဗစ်-၁၉ ရောဂါကာကွယ်ဆေး အပိုဆောင်း ပဉ္စမအကြိမ်အဖြစ် ထိုးနှံပေးလျက်ရှိသည်။
ထိုသို့ ကိုဗစ်-၁၉ ရောဂါကာကွယ်ဆေးထိုးနှံခြင်းကို စတုတ္ထအကြိမ်ထိုးနှံပြီးစီးသည့် နိုင်ငံ့ဝန်ထမ်းနှင့် မိသားစုဝင်များအား ပဉ္စမအကြိမ်အဖြစ် ကျန်းမာရေးဝန်ထမ်းများက ကျန်းမာရေး ဝန်ကြီးဌာန၏ လမ်းညွှန်ချက်နှင့်အညီ စာရင်းမှတ်တမ်းရေးသွင်းခြင်း၊ ကိုယ်အပူချိန် တိုင်းတာပေးခြင်း၊ သွေးပေါင်ချိန် တိုင်းတာပေးခြင်းများကို စနစ်တကျဆောင်ရွက်ပေးပြီး ကာကွယ်ဆေးများ ထိုးနှံပေးခဲ့သည်။ အဆိုပါကာကွယ်ဆေးထိုးနှံပေးခြင်းကို မေလ(၈)ရက်နေ့ မှ မေလ(၁၀)ရက်နေ့အထိ ဆက်လက် ထိုးနှံပေးသွားမည် ဖြစ်ကြောင်း ကျန်းမာရေးဌာနမှ သိရသည်။
ဇော်လင်း
https://t.me/MyanmarNationalPost
No comments:
Post a Comment