စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်၊ ဖလံချိုင်ကျေးရွာအုပ်စု၊ သရက်ခေါင်းကျေးရွာတွင် တပ်မတော်မှ နိုင်ငံတော်အာဏာကို ခေတ္တထိမ်းပြီးနောက်ပိုင်း ကျေးရွာအတွင်းမှ KIA လက်နက်ကိုင်နယ်မြေအတွင်း အကြမ်းဖက်သင်တန်းများတက်ရောက်ခဲ့ကြသော ကျေးရွာသားများဖြစ်သော မျိုးလွင်(ဘ)ဦးတင်သန်း၊ ကျော်သိန်း(ဘ)ဦးညှင်း၊ ဆန်းဦး(ဘ)သိန်းဝင်း၊ တင်စန်း(ဘ)သိန်းဝင်း၊ နေထွန်း(ဘ)ဦးတင်သောင် ဦးဆောင်သည့် အကြမ်းဖက်အုပ်စုသည် ၂၀၂၃ ခုနှစ် မတ်လ (၁၂)ရက်နေ့မှစ၍ ကျေးရွာအတွင်း ပြန်လည်ဝင်ရောက်လာပြီး အထက(ခွဲ)ကျောင်းဆောင်သစ်များအတွင်းနှင့် ကျေးရွာဆေးပေးခန်းတွင် အခြေချ နေထိုင်လျက်ရှိပါသည်။
၎င်းတို့ အနေဖြင့် ကျေးရွာသူ/သားများအား တစ်အိမ်လျင် တစ်လ (၅၀၀၀၀)ကျပ်ပေးဆောင်ခိုင်းခြင်း၊ ဆယ်အိမ်ခေါင်းများအလိုက် ကင်းစောင့်ခိုင်းခြင်း၊ ထမင်းဟင်းချက်ပို့ခိုင်းခြင်းများအပြင် လုံခြုံရေးအဖွဲ့များ ဝင်ရောက်လာပါက ထိခိုက်စေရန် ရွာအဝင်/အထွက်လမ်းများတွင် မိုင်းများထောင်ထားခြင်း၊ NLD မထောက်ခံသူများ၊ အစိုးရဝန်ထမ်းများ၏ မိသားစုဝင်များအား အတင်းအကြပ် ဖိအားပေး CDM ပြုလုပ်ရန် စေခိုင်းခြင်းများပြုလုပ်လုပ်လျက် ရှိကြပါသည်။
လက်ရှိကာလတွင် ကျေးရွာသူ/သားများအနေဖြင့် ရွာအတွင်း နေထိုင်နိုင်ခြင်းမရှိပဲ ကျေးရွာထိပ်ရှိ မူးမြစ်တစ်ဖက်ကမ်းတွင် တိမ်းရှောင်နေကြရပါသည်။ ၎င်းတို့၏ အကြမ်းဖက်မှု ကိုကြောက်ရွံ့သော ဝန်ထမ်းများနှင့်မိသားစုဝင်များ၊ အခြားပါတီထောက်ခံသောရွာသားများအနေဖြင့် နေအိမ်များကိုစွန့်ခွာကာ ဆွေမျိုးများရှိသည့်နေရာများတွင် နေထိုင်နေကြရပါသည်။
သရက်ခေါင်းရွာသည် ရှေးယခင်ကပင် သာသနာအစဉ်အဆက်ထွန်းကားခဲ့ပြီး ရဟန်း၊ သာမဏေ၊ အစိုးရဝန်ထမ်းများ လက်ရှိကာလအထိ နယ်ပယ်အလိုက် တာဝန်ထမ်းဆောင်လျက်ရှိကြပါသည်။ သို့ဖြစ်ပါ၍ ကျေးရွာအတွင်း လက်နက်အားကိုးဖြင့် ခြိမ်းခြောက်အကြမ်းဖက်နေသော အကြမ်းဖက် NUG/CRPH လက်အောက်ခံ PDF/ပကဖ အမည်ခံ အကြမ်းဖက်အဖွဲ့များအား တာဝန်ရှိသူများအနေဖြင့် အမြန်ဆုံးချေမှုန်းပေးနိုင်ပါရန် တင်ပြအပ်ပါသည်။
တာဝန်သိ ပြည်သူတစ်ဦး
#MyanmarNationalPost
No comments:
Post a Comment