နတ်မောက်မြို့နယ်တွင် ၂၀၂၃-၂၀၂၄ ဘဏ္ဍာရေးနှစ် ပထမ(၃)လပတ် လူမှုရေးပင်စင်ပေးအပ်ပွဲ အခမ်းအနားကျင်းပ

MNP ၊ ဇူလိုင် ၁၄

မကွေးတိုင်းဒေသကြီး နတ်မောက်မြို့နယ်တွင် ၂၀၂၃-၂၀၂၄ ဘဏ္ဍာရေးနှစ် ပထမ(၃)လပတ် လူမှုရေးပင်စင်ပေးအပ်ပွဲကို ယမန်နေ့နံနက်ပိုင်းက မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။

အဆိုပါ အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ မြို့နယ်အထွေထွေအုပ်ချုပ်ရေးမှူး ဦးသန့်စင်က အသက် ၈၅ နှစ်အထက် အဘိုးအဘွားများအား လူမှုရေးပင်စင် ထောက်ပံ့ပေးအပ်ရခြင်း၏ ရည်ရွယ်ချက်များကို ရှင်းလင်းပြောကြားခဲ့ပြီး အသက် ၈၅ နှစ်အထက် အဘိုး/အဘွားများဖြစ်သည့် အဘိုး (၃၅၉) ဦး အဘွား (၇၆၅)ဦး၊ စုစုပေါင်း (၁၁၂၄) ဦးတို့အား တစ်ဦးလျှင် ပထမသုံးလပတ်အတွက် (၃၀၀၀၀) ကျပ်နှုန်းကို တာဝန်ကျရပ်ကွက်/ကျေးရွာများရှိ အုပ်စု အုပ်ချုပ်ရေးမှူးများထံသို့ ပေးအပ်ခဲ့ပြီး အုပ်ချုပ်ရေးမှူးများမှတဆင့် ရပ်ကွက်/ကျေးရွာများရှိ အသက်ကြီးအဘိုး/အဘွားများအား ပေးအပ်သွားမည်ဖြစ်ကြောင်း သိရသည်။

အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ လူမှုဝန်ထမ်းဦးစီးဌာန မြို့နယ်ဦးစီးမှူးနှင့်ဝန်ထမ်းများ၊ ရပ်/ကျေးစာရေးဝန်ထမ်းများနှင့် ရပ်ကွက်/ကျေးရွာ အုပ်ချုပ်ရေးမှူးများ တက်ရောက်ခဲ့ကြောင်း သိရသည်။

လှဝင်း

https://t.me/MyanmarNationalPost