MNP ၊ ဇူလိုင် ၁၄
ရခိုင်ပြည်နယ်၊ သံတွဲခရိုင်၊ ဂွမြို့နယ်၌ ကျေးရွာနေ တောင်သူများအား ဟင်းသီးဟင်းရွက်မျိုးစေ့များ ထောက်ပံ့ပေးအပ်ပွဲကို ယနေ့ နံနက်(၁၀)နာရီက မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ကျင်းပပြုလုပ်ခဲ့သည်။
ရှေးဦးစွာ မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌ ဦးဇာနည်ကျော်က မေလအတွင်းမြန်မာနိုင်ငံအတွင်းသို့မိုခါမုန်တိုင်းဝင်ရောက်၍ဟင်းသီး၊ဟင်းရွက်စိုက်ခင်းများ ပျက်စီးဆုံးရှုံးမှုရှိသည့်အတွက် အမြန်ဆုံး ပြန်လည်အစားထိုးနိုင်ရန် ပေးအပ်ရခြင်းဖြစ်ကြောင်း၊ မျိုးစေ့များအား မြို့နယ်တွင်း တစ်ပိုင်တစ်နိုင်စိုက်ပျိုးခြင်းဖြင့် တစ်ဖက်တစ်လမ်းမှ မီးဖိုချောင်သုံး စရိတ်သက်သာစေပြီး ကိုယ်တိုင်စိုက်ပျိုးထားသည့်အတွက် ဓါတုကင်းလွတ်သီးနှံဖြစ်ပြီးအစား အစာများ ဘေးအန္တရာယ်ကင်းရှင်းစေသည့် အတွက် တောင်သူများ အနေဖြင့် ဟင်းသီးဟင်းရွက်မျိုးစေ့များကို အလေအလွင့်မရှိအောင် စနစ်တကျ စိုက်ပျိုးကြစေလိုကြောင်း အဖွင့်အမှာစကား ပြောကြားခဲ့ပြီး မြို့နယ်စိုက်ပျိုးရေးဦးစီးဌာန၊မြို့နယ်ဦးစီးမှူး ဦးကျော်ထွန်းလင်းက ဟင်းသီး ဟင်းရွက်မျိုးစေ့များ ပေးအပ်ရခြင်း၏ ရည်ရွယ်ချက်နှင့်ပတ်သက်၍ ရှင်းလင်းပြောကြားခဲ့သည်။
ဆက်လက်၍ တောင်သူများကိုယ်စား ရဟိုင်ကူးတို့ကျေးရွာ အုပ်ချုပ်ရေးမှူးက ကျေးဇူးတင်စကား ပြောကြားခဲ့သည်။
ထို့နောက် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌဦးဇာနည်ကျော်နှင့် အဖွဲ့ဝင်များနှင့် တာဝန်ရှိသူများက ကျေးရွာ တောင်သူများကိုယ်စား ရပ်ကွက်/ကျေးရွာ အုပ်ချုပ်ရေးမှူးများထံသို့ မျိုးစေ့ အမယ်ပေါင်း(၁၉)မျိုး၊ စုစုပေါင်း မျိုးစေ့ထုပ်(၁၉၅၂)ထုပ်အား ပေးအပ်ခဲ့ကြောင်းသိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment