MNP ၊ ဇူလိုင် ၁၃
သံတွဲခရိုင်လူထုအခြေပြုဗဟိုဌာန( Community Centre )၌ ယမန်နေ့ နံနက် ၁၀ နာရီက ပြန်ကြားရေးနှင့်ပြည််သူ့ဆက်ဆံရေးဦးစီးဌာနနှင့် ခရိုင်တိုင်းရင်းဆေးဦးစီးဌာနတို့ ပူးပေါင်း ၍ တိုင်းရင်းဆေးအသုံးဝင်ပုံအသိပညာပေး Talk Show ကို ပြုလုပ်ခဲ့သည်။
အဆိုပါ Talk Show တွင် သံတွဲခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒေါ်စန္ဒာကြည်နှင့် ခရိုင်တိုင်းရင်းဆေးဦးစီးဌာနမှ ခရိုင်ဦးစီးမှူး ဒေါ်လှိုင်လေးအောင် တို့က တိုင်းရင်းဆေးအကြောင်းသိကောင်းစရာများ၊ မိုးရာသီ၊ ဆောင်းရာသီနှင့် နွေရာသီတို့တွင် ဖြစ်ပွါးတတ်သောရောဂါများနှင့် ဆောင်ရန်၊ ရှောင်ရန်များနှင့် မီးဖိုချောင်သုံးပစ္စည်းများ၏ ဆေးဖက်ဝင်ပုံများကို အသိပညာပေးဆွေးနွေးပြောကြားခဲ့ကြသည်။
ပြန်ကြားရေးနှင့် ပြည့်သူ့ဆက်ဆံရေးဦးစီးဌာန ၊သံတွဲခရိုင်ရုံးသည် ပြည်သူများ အသိပညာဗဟုသုတရရှိစေရန်ရည်ရွယ်၍ Talk Show များ၊အသိပညာပေး ဟောပြောပွဲများနှင့် ဆွေးနွေးပွဲ ၊ လူငယ်စကားဝိုင်းများနှင့်သင်တန်းများကို စဉ်ဆက်မပြတ် ဆောင်ရွက်ပေးလျက် ရှိပါသည်။
သန့်ဇင်
https://t.me/MyanmarNationalPost
No comments:
Post a Comment