MNP ၊ ဩဂုတ် ၂၂
ရခိုင်ပြည်နယ် ၊ မောင်တောခရိုင် ၊ မောင်တောမြို့၌ အမှတ်(၂)အခြေခံပညာအထက်တန်းကျောင်းတွင် စုပေါင်း ဝါဆိုသင်္ကန်း ဆက်ကပ်လှူဒါန်းခြင်းကို ယနေ့ နံနက် ၉ နာရီအချိန် အဆိုပါကျောင်းခန်းမတွင် ပြုလုပ်ခဲ့သည်။
ရှေးဦးစွာ ဆရာတော်သံဃာတော်များ၊ ခရိုင်ပညာရေးမှူး ဦးချစ်သိန်း ၊ အမှတ်(၂)အခြေခံပညာ အထက် တန်း ကျောင်းအုပ်ဆရာကြီး ဦးမောင်ခင်ဝင်း နှင့် ဆရာ ၊ဆရာမများ ၊ ဧည့်ပရိတ်သတ်များ ၊ကျောင်းသား၊ ကျောင်းသူများက နမောတဿ သုံးကြိမ်ရွတ်ဆို ဘုရားကန်တော့ပြီး အလိုတော်ပြည့်ဆရာတော်ဘုရားထံမှ ငါးပါးသီလခံယူဆောင် တည် ကြ သည်။ ဆက်လက်၍ ဆရာတော် သံဃာ တော် အရှင်သူမြတ်များက မေတ္တသုတ် အစရှိသော ပရိတ်တရားတော် များ ရွတ် ပွား ချီး မြှင့် တော် မူကြပြီး ခရိုင်ပညာရေးမှူး ဦးချစ်သိန်း ၊ အမှတ်(၂)အခြေခံပညာ အထက်တန်းကျောင်းအုပ်ဆရာကြီး ဦးမောင်ခင်ဝင်း နှင့် ဆရာ ၊ဆရာမများ ဧည့်ပရိတ်သတ် များ ၊ကျောင်းသား ၊ကျောင်းသူများက ဆရာတော် သံဃာ တော် အရှင်သူမြတ်များအား ဝါဆိုသင်္ကန်း ၊ နဝကမ္မ နှင့် လှူဖွယ် ပစ္စည်းများ ဆက်ကပ်လှူဒါန်းခဲ့ကြသည်။
ထို့နောက် အလို တော် ပြည့်ဆရာတော်ဘုရားထံမှ အနုမော ဒနာ တရားနာယူကာ လှူဒါန်းမှု အစုစုအတွက် ရေစက် သွန်းချ အမျှပေး ဝေ ခဲ့ကြသည်။
ယင်းနောက် အခမ်းအနားကို ဗုဒ္ဓသာ သနံစိရံတိဠတု သုံးကြိမ်ရွတ်ဆို ဆုတောင်း၍ အခမ်းအနားကို ရုတ်သိမ်း ကြပြီး ရွှေမိုးငွေမိုးရွာသွန်းဖြိုးကာ ဆရာတော် ၊ သံဃာတော်အရှင်သူမြတ်များအား နေ့ဆွမ်း ဆက်ကပ် လှူဒါန်း ခဲ့ကြ ကြောင်းသိရသည်။
သက်လွင်စိုး
https://t.me/MyanmarNationalPost
No comments:
Post a Comment