အိမ်မဲ မတ် ၂၈
ဧရာဝတီတိုင်းဒေသကြီး၊ မြောင်းမြခရိုင်၊ အိမ်မဲမြိုနယ် ချောင်းဝရပ်ကွက် ဗိုလ်ချုပ်အောင်ဆန်းလမ်း၊ ကမ်းနား ဘက်ခြမ်း၌ ဧရာဝတီတိုင်းဒေသကြီးအစိုးရအဖွဲ့ ဒေသဖွံ့ဖြိုးရေးရန်ပုံငွေဖြင့် ဆောင်ရွက်သော မြို့နယ်အတွင်းရှိပြည်သူများ အပမ်းဖြေလမ်းလျှာက်နိုင်မည့်အရှည် (၈၀၀)ပေ ၊ အကျယ် (၅)ပေ ၊ ထု (၄)လက်မရှိသော ကွန်ကရစ်လမ်းနှင့် အဆိုပါလမ်းပေါ်၌ လျှပ်စစ်မီးသွယ် တန်းခြင်းဖွင့်ပွဲ အခမ်းအနားကို ယမန်နေ့ ညနေ( ၅ ) နာရီအချိန်တွင် ကျင်းပခဲ့သည်။
အဆိုပါအခမ်းအနားတွင် မြောင်းမြခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးစန်းဌေး၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးသက်ကိုကိုဦး၊ မြို့နယ်စီမံအုပ်ချုပ်ရေးအဖွဲ့ဝင် (၁) ဗိုလ်မှူး အောင်သွင်စိုးတို့က ဖဲကြိုးဖြတ်ဖွင့်လှစ်မည့် မုဒ်ဦး ရှေ့တွင်နေရာယူကြပြီး မင်္ဂလာအချိန်ကျရောက်သည့်အခါ ဖဲကြိုးဖြတ်ဖွင့်လှစ်ပေးခဲ့ကာ စုပေါင်းမှတ်တမ်းတင် ဓာတ်ပုံရိုက်ကူး၍ အဆိုပါလမ်းအား လှည့်လည်ကြည့်ရှုခဲ့ကြသည်။
အဆိုပါ ကွန်ကရစ်လမ်းခင်းခြင်းနှင့် လျှပ်စစ်မီးသွယ်တန်းခြင်းလုပ်ငန်းမှာ (၂၀၂၃ - ၂၀၂၄) ခု ဘဏ္ဍာရေးနှစ် တွင် ဧရာဝတီတိုင်းဒေသကြီး အစိုးရအဖွဲ့ ဒေသဖွံ့ဖြိုးရေးရန်ပုံငွေ (၁၉၈)သိန်းဖြင့်လည်းကောင်း ပြည်သူများမှ ပူးပေါင်းထည့် ဝင်ငွေသိန်း (၅၀)ဖြင့်လည်းကောင်း (၁၀-၁၂-၂၀၂၃)ရက်နေ့တွင် လုပ်ငန်းစတင်ဆောင်ရွက်ခဲ့ပြီး (၁၈-၂- ၂၀၂၄)ရက်နေ့တွင် လုပ်ငန်းအားလုံး ဆောင်ရွက်ပြီးစီးခဲ့ကြောင်းနှင့် အိမ်မဲမြို့နယ်ရှိ ပြည်သူများအနေဖြင့် မနက်ပိုင်းနှင့် ညနေပိုင်းအချိန်များတွင် အပန်းဖြေလမ်းလျှောက်နိုင်ခြင်းနှင့် ထိုင်ခုံများမှာထိုင်၍ လေညှင်းခံယူနိုင်တော့မည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment