သရက် ၊ မေ ၁၁
မကွေးတိုင်းဒေသကြီး၊ သရက်မြို့၌ ပြည်ထောင်သမ္မတ မြန်မာနိုင်ငံတော်အစိုးရမှ ဆက်ကပ်လှူဒါန်းသည့်သာသနာတော်ဆိုင်ရာ မဟာသဒ္ဓမ္မဇောတိကဓဇဘွဲ့တံဆိပ်တော်ရ ရွှေဘုံသာကျောင်းတိုက် ဦးစီးပဓာနနာယကဆရာတော် ဘဒ္ဒန္တဝိသုတသာရမထေရ်မြတ်အား ဂုဏဝိသိဌထပ်ဆင့် ဂုဏ်ပြုပူဇော်ပွဲကျင်းပခြင်း အခမ်းအနားကို ယနေ့နံနက် (၈) နာရီက ရွှေဘုံသာကျောင်းတိုက်၌ ကျင်းပခဲ့ရာအပူဇော် ဆရာတော်ကြွရောက်လာစဉ် တေးသံရှင်မေသက်ထားဆွေက ထူးမခြားနားသီချင်းသီးဆို ပူဇော်ပေးခဲ့သည်။
ထို့နောက် နမောတဿရွတ်ဆိုဘုရားကန်တော့ပြီး ကျပ်တစ်သိန်းအထက် အလှူရှင်များအား နိုင်ငံကျော်တေးသံရှင် မေသက်ထားဆွေမှဂုဏ်ပြုလွှာများ ပေးအပ်ချီးမြှင့်ခဲ့သည်။
ဆက်လက်၍ ရွှေဘုံသာကျောင်းတိုက်ဦးစီးပဓာနနာယက ဆရာတော်ဘဒ္ဒန္တဝိသုတသာရ၏ ထေရုပ္ပတ္တိ အကျဉ်းအား ဖတ်ကြားပူဇော်ပြီး နိုင်ငံကျော်တေးသံရှင် မေသက်ထားဆွေ က သာသနာတော်ဆိုင်ရာ မဟာသဒ္မမ္မဇောတိကဓဇ ဘွဲ့တံဆိပ်တော်ရရှိတော်မူသော ရွှေဘုံသာကျောင်း ဆရာတော် ဘဒ္ဒန္တဝိသုတသာရအား ကောင်းခြင်းမင်္ဂလာ တေးသီးချင်းဖြင့် ပူဇော်ပေးခဲ့ပြီး သရက်ခရိုင် အုပ်ချုပ်ရေးမှူးက သာသနာရေးဆိုင်ရာများ လျောက်ထားခဲ့ကာ ဘွဲ့တံဆိပ်တော်ရ ဆရာတော်အား ဘွဲ့တံဆိပ်တော်များ ဆက်ကပ်လှူဒါန်းပေးခဲ့ပြီး ဘွဲ့တံဆပ်တော်ရ ဆရာတော်ဘဒ္ဒန္တဝိသုတသာရထံမှ လှူဒါန်းမှုအစုစုအတွက် ရေစက်သွန်းချ အမျှပေးဝေခဲ့ကြောင်း သိရသည်။
ဇော်ထက်(သရက်)
https://t.me/MyanmarNationalPost
No comments:
Post a Comment