ဟုမ္မလင်း၊ ဇွန် ၁၄
ပြည်ထောင်စုသမ္မတမြန်မာနိုင်တော်ဗဟို သန်းခေါင်စာရင်းကော်မရှင်၏ လမ်းညွှန်မှုဖြင့် အိမ်ထောင်စုလူဦးရေသန်းခေါင်စာရင်း ကောက်ယူရေးအသိပညာပေး ပိုစတာစိုက်ထူခြင်းကို ယနေ့နံနက်(၉)နာရီက လူစည်ကားရာနေရာဖြစ်သော ဟုမ္မလင်းမြို့ နောင်ပကျစ်ရပ်ကွက်ရှိ ဗိုလ်ချုပ်လမ်းနှင့်ဇီဝကလမ်းထောင့်၊ ဗိုလ်ချုပ်ကြေးရုပ်ရှေ့လမ်းဆုံနေရာတို့တွင် ပြုလုပ်ခဲ့ရာ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးရဲဝင်းနှင့်အဖွဲ့ဝင်များ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသိန်းဇော်နှင့်အဖွဲ့ဝင်များ၊ ခရိုင်ရဲတပ်ဖွဲ့မှူး၊ မြို့နယ်အဆင့်ဌာနဆိုင်ရာတာဝန်ရှိသူများ၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနဝန်ထမ်းများ၊ ခရိုင်အမျိုးသမီးရေးရာအဖွဲ့ဥက္ကဋ္ဌနှင့် မြို့နယ်အမျိုးသမီးရေးရာအဖွဲ့ဥက္ကဋ္ဌနှင့်အဖွဲ့ဝင်များ၊ မြို့နယ်မိခင်နှင့်ကလေးစောင့်ရှောက်ရေးအသင်းအဖွဲ့ဝင်များ တက်ရောက်ခဲ့ကြကြောင်း သိရသည်။
သန်းခေါင်စာရင်းကောက်ယူရာတွင် ၂၀၂၄ ခုနှစ် အောက်တိုဘာလ(၁)ရက်နေ့မှ (၁၅)ရက်နေ့အတွင်း နံနက်(၇)နာရီမှ ညနေ(၆)နာရီအထိ (၁၅)ရက်ကြာသန်းခေါင်စာရင်းကောက်ယူမည်ဖြစ်ကြောင်း၊ နေအိမ်သို့ သန်းခေါင်စာရင်းကောက်ယူရန် ကြိုတင်အသိပေးအကြောင်းကြားသွားမည်ဖြစ်ကြောင်း၊ သန်းခေါင်စာရင်းကောက်ယူခြင်းသည် အိမ်ထောင်စုလူဦးရေစာရင်းပုံစံ(၆၆/၆)ရှိခြင်း/မရှိခြင်း နိုင်ငံသားစစ်ရေးကက်ပြားရှိခြင်း/မရှိခြင်း၊ တိုင်းရင်းသားဖြစ်ခြင်းမဖြစ်ခြင်းနှင့်မသက်ဆိုင်ကြောင်း၊ သန်းခေါင်စာရင်းရည်ညွှန်းချိန် မြန်မာနိုင်ငံနယ်နိမိတ်အတွင်းရှိနေသူအားလုံးကို စာရင်းကောက်ယူမည်ဖြစ်ကြောင်း၊ သန်းခေါင်စာရင်းတွင် အိမ်အကြောင်းအရာအချက်အလက်များ ကောက်ယူခြင်းသည် ပိုင်ဆိုင်မှုနှင့်မသက်ဆိုင်ကြောင်း၊ နိုင်ငံခြားသို့ရောက်ရှိနေသော အိမ်ထောင်စုဝင်များအတွက်လည်း စိုးရိမ်စရာမလိုကြောင်း၊ မည်သို့မျှအရေးယူမည်မဟုတ်ကြောင်း၊ ဗဟိုသန်းခေါင်စာရင်းကော်မရှင်က ထုတ်ပြန်ချက်များအရ သိရသည်။
ဟုမ္မလင်း
Join - https://t.me/MyanmarNationalPost
No comments:
Post a Comment