ဘစ်ကွိုင်ကို ကျော်တက်သွားတဲ့ ကိုကာ

ဇန်နဝါရီ - ၆ ( တနင်္လာနေ့ ) 

ချောကလက်ပြုလုပ်ရာမှာ အရေးကြီးဆုံး ပါဝင်ပစ္စည်းဖြစ်တဲ့ ကိုကာစေ့ ထုတ်လုပ်မှုက အာဖရိကမှာ အများကြီး လျော့သွားပြီး ဈေး ၃ ဆကျော် ခုန်တက်သွားတဲ့အတွက် ဒီကနေ့ တစ်ကွိုင်ကို ကန်ဒေါ်လာ ၁သိန်းကျော်နေတဲ့ ခရစ်ပတိုငွေကြေး ဘစ်ကွိုင်ကို ကျော်တက်သွားပြီလို့ ဘလွန်ဘာဂ် စီးပွားရေး သတင်းဌာနက ဖော်ပြလိုက်ပါတယ်။ 

ဘလွန်းဘာ့ဂ်ရဲ့ အဆိုအရ ကိုကာ သည် ဘစ်ကွိုင်ထက် စွမ်းဆောင်ရည် ပိုကောင်းလာပြီး ယခုနှစ်အတွက် အကောင်းဆုံးကုန်စည် အဖြစ် သတ်မှတ်ခံရပါတယ် ။ ဒီဇင်ဘာလအစောပိုင်းတွင် ကာလကြာရှည် စောင့်ဆိုင်းခဲ့ရသော ဘစ်ကွိုင်တစ်ကွိုင် ကန်ဒေါ်လာ ၁သိန်း သတ်မှတ်ချက်ကို ချိုးဖျက်လိုက်သောကြောင့် ခရစ်ပတိုငွေက ယခုနှစ်တွင် ကြည့်ရှုမှု အများဆုံး ပိုင်ဆိုင်မှုဖြစ်ကြောင်း ဆိုပါတယ်။ 

ချောကလက်၏ အဓိကပါဝင်ပစ္စည်း ဖြစ်တဲ့ ကိုကာစေ့ ထုတ်လုပ်မှု စျေးနှုန်းများသည် အနောက်အာဖရိကတွင် ထုတ်လုပ်မှု အားနည်းခြင်းကြောင့် ၂၀၂၄ အစပိုင်းမှစပြီး သုံးဆနီးပါး မြင့်တက်လာကာ အရောင်း ပြတ်တောက်မှု များ ဖြစ်ပေါ်ခဲ့ကြောင်း တင်ပို့မှု ကိန်းဂဏန်းများအရသိရပါတယ်။ 

၂၀၂၄ ဇန်နဝါရီလအစောပိုင်းတွင် ကိုကိုးအနာဂတ်တစ်တန်လျှင် ကန်ဒေါ်လာ ၄၀၀၀ ခန့်ဖြင့် အရောင်းအဝယ် ဖြစ်ခဲ့ပါတယ်။ ဒီဇင်ဘာလလယ်တွင် ၎င်းတို့သည် တစ်တန်လျှင် ကန်ဒေါ်လာ ၁၂,၇၀၀ ဖြင့် အထွတ်အထိပ်သို့ ရောက်ရှိခဲ့ကြောင်း Trading Economics ၏ အချက်အလက်များအရ သိရပါတယ်။

၂၀၂၄ ဇန်နဝါရီလက ဘစ်ကွိုင်တစ်ကွိုင်လျှင် ကန်ဒေါ်လာ ၄၁၀၀၀ ပဲပေါက်ပါတယ် ။ နှစ်ကုန် ဒီဇင်ဘာလမှာ တစ်ကွိုင်ကို ဒေါ်လာ ၁၀၆ ၅၀၀ ထိတက်ခဲ့တဲ့အတွက်ကြောင့် ၁၂၈% ဈေးခုန်တက်သွားခဲ့ပါတယ်။ အကြောင်းရင်းကတော့ အမေရိကန်သမ္မရွေးကောက်ပွဲမှာ ဒေါ်နယ်ထရမ့်နိုင်သွားပြီး သူ့ရဲ့မူဝါဒမှာ ခရစ်တိုငွေကြေးကို ခွင့်ပြုနိုင်ဖွယ်ရှိတဲ့အတွက်ကြောင့်ပဲ ဖြစ်ပါတယ်။ 

ကိုကာကို အဓိကထုတ်လုပ်တဲ့ အာဖရိကတိုက် အနောက်ပိုင်းနိုင်ငံတွေဖြစ်တဲ့ အိုက်ဗရီကိုစ် နဲ့ ဂါနာနိုင်ငံတွေ အပါအဝင် နိုင်ငံတော်တော်များများမှာ စံချိန်တင် အပူလှိုင်းကျရောက်မှုတွေ ဖြစ်ခဲ့တဲ့အတွက်ကြောင့်ရယ် ၊ ဓာတ်မြေဩဇာပြတ်တောက်မှုကြောင့်ရယ်၊ ညံ့ဖျင်းတဲ့ ရိတ်သိမ်းမှုတွေကြောင့် ကိုကာအထွက်နှုန်း အများကြီးကျဆင်းသွားခဲ့ပါတယ်။ အနောက်အာဖရိကမှာ မနှစ်က စံချိန်တင် အပူချိန် ၄၀ ဒီကရီစင်တီဂရိတ်ကို ကျော်သွားခဲ့ပါတယ်။ 

အနောက်အာဖရိကနိုင်ငံများသည် ဒေသတွင်းမြေ၏ သုံးပုံနှစ်ပုံ ပျက်စီးယိုယွင်းနေပြီး ဓာတ်မြေသြဇာ အသုံးပြုမှုနှုန်းသည် ကမ္ဘာ့ပျမ်းမျှထက် များစွာနောက်ကျကျန်နေသဖြင့် ပြင်းထန်သော မြေဆီလွှာကျန်းမာရေး အကျပ်အတည်းနှင့် ရင်ဆိုင်နေရကြောင်း အပြည်ပြည်ဆိုင်ရာ အပူပိုင်းစိုက်ပျိုးရေးသိပ္ပံ (IITA) မှ သိရပါတယ်။ အာဖရိကနိုင်ငံအများအပြားက  ရုရှား၊ ဘီလာရုစ်နှင့် ယူကရိန်းတို့မှ ဓာတ်မြေသြဇာတင်သွင်းမှုအပေါ် မှီခိုနေရပါတယ် ။ ၂၀၂၂ ရုရှား- ယူကရိန်း ပဋိပက္ခတွင် တိုးမြင့်လာပြီးနောက် ဓာတ်မြေဩဇာအရောင်း လျှော့ချလိုက်ခြင်းက ပစ္စည်းပြတ်တောက်မှုနှင့် ဈေးနှုန်းတက်ခြင်းတို့ကို ဖြစ်ပေါ်စေခဲ့ပါတယ်။

Trading Economics ၏ အဆိုအရ ရာသီဥတုဖောက်ပြန်မှု၊ ဓာတ်မြေသြဇာ ရရှိမှု ချို့တဲ့မှု နဲ့ ဆက်လက်ဖြစ်ပေါ်နေသော ထောက်ပံ့ရေး စိန်ခေါ်မှုများက ကိုကိုးဈေးကို လာမည့်နှစ်တွင် သမိုင်းကြောင်းအရ အမြင့်ဆုံးအဆင့်တွင် ဆက်လက်ဖြစ်ပေါ်နေမယ်လို့ မျှော်လင့်ထားကြောင်း သိရပါတယ်။

REF - RT

Join - https://t.me/MyanmarNationalPost