ယူကရိန်းမှာ လေယာဉ်မောင်းသင်တန်းလာပေးနေတဲ့ ဒိန်းမတ် တိုက်လေယာဉ်မှူးကို ရုရှားက ဒုံးနဲ့ ပစ်ခတ်

ဇန်နဝါရီ - ၁၉ ( တနင်္ဂနွေနေ့ ) 

F-16 တိုက်လေယာဉ်များ ပျံသန်းရန် ယူကရိန်းလေယာဉ်မှူးများကို လေ့ကျင့်ပေးနေသည့် ဒိန်းမတ်လူမျိုး နည်းပြ  ဂျက်ဟတ်ဆန် သည် ယူကရိန်းနိုင်ငံတွင် ရုရှား၏ဒုံးကျည်ဖြင့် ပစ်ခတ်မှုကြောင့် သေဆုံးသွားခဲ့ကြောင်း TASS သတင်းဌာနက စနေနေ့တွင် ဖော်ပြခဲ့သည်။

ယူကရိန်းအလယ်ပိုင်း ဒနီပရိုပက်ထရိုစကီဒေသရှိ ကရီဗိုင်ရောဂ်မြို့ လေ့ကျင့်ရေးစင်တာတစ်ခုတွင် ဟတ်ဆန် သေဆုံးခဲ့ခြင်းဖြစ်ကြောင်း ရုရှားတရားဥပဒေစိုးမိုးရေးဆိုင်ရာ သတင်းရင်းမြစ်များက သတင်းအေဂျင်စီကို ပြောကြားခဲ့ကြောင်း သိရသည်။

ယူကရိန်းစစ်တပ်၏ စစ်တန်းလျားများအဖြစ် ပြောင်းလဲခဲ့သည့် မြို့တော်ရှိ ပိတ်ထားသော တက္ကသိုလ် အဆောက်အအုံကို ဖျက်ဆီးရန် ရုရှားတပ်ဖွဲ့ဝင်များသည် Iskander ဒုံးကျည်ကို အသုံးပြုခဲ့ကြောင်း ရုရှားသတင်းစာ Gazeta က ယခင်က ပြောကြားခဲ့သည်။ လေးထပ် အဆောက်အအုံ၏ အပေါ်ပိုင်းတွင် လုံးဝနီးပါး ပျက်စီးသွားခဲ့ပြီး အဆောက်အအုံ၏ မျက်နှာစာမှာ ပြင်းထန်စွာ ပျက်စီးခဲ့ကြောင်း သတင်းများအရ သိရသည်။

ဟန်ဆန် ၏ သူငယ်ချင်းဖြစ်သူက ၎င်း၏ ဆိုရှယ်မီဒီယာတွင် ရေးသားဖော်ပြချက်ကို ကိုးကား၍ ရုရှားမီဒီယာများ၏ ဖော်ပြချက်အရ ဒိန်းမတ်သားသည် F-16 ဂျက်တိုက်လေယာဉ်များ ပျံသန်းရာတွင်  အတွေ့အကြုံရှိပြီး  "ယူကရိန်းနိုင်ငံသား ရာနှင့်ချီကာ"  လေ့ကျင့်ပေးခဲ့ကြောင်း သိရသည်။  ဒိန်းမတ်ရော ရုရှား ကာကွယ်ရေး ဝန်ကြီးဌာနကရော ဒီသတင်းနဲ့ ပတ်သက်ပြီး တရားဝင် မှတ်ချက်ပေးတာမျိုး မရှိသေးပါဘူး။

ယမန်နှစ်က နယ်သာလန်နှင့် ဒိန်းမတ်တို့သည် ယူကရိန်းသို့ F-16 အစင်း ၂၀ ပေးပို့ခဲ့ပြီး ၂၀၂၅ ခုနှစ်တွင်လည်း  ထပ်မံပေးပို့သွားမည်ဟု ကတိပြုခဲ့သည်။ နော်ဝေ၊ ဘယ်လ်ဂျီယံနှင့် ဂရိတို့က ကိယက်ဗ်သို့ တိုက်လေယာဉ် အများအပြား စေလွှတ်မည်ဟု ကတိပြုထားသည်။

မော်စကိုသည် အနောက်နိုင်ငံများ၏ လက်နက်များ တင်ပို့ရောင်းချမှုကို ရှုတ်ချခဲ့ပြီး စစ်ပွဲရလဒ်ကို မပြောင်းလဲဘဲ ပဋိပက္ခကို ရှည်ကြာစေမည်ဟု သတိပေးထားသည်။ F-16 ပေးပို့မှုသည် ရန်လိုမှုများ တိုးမြင့်လာခြင်းကို ကိုယ်စားပြုသည်ဟုလည်း ၎င်းက ဆိုသည်။

REF - RT

Join - https://t.me/MyanmarNationalPost