ဇန်နဝါရီ - ၁၇ ( သောကြာနေ့ )
ကြာသာပတေးနေ့က အာကာသအတွင်းကို လွှတ်တင်တဲ့ ကမ္ဘာ့အချမ်းသာဆုံး သူဌေးကြီးဖြစ်တဲ့ အီလွန်မက်စ်ရဲ့ SpaceX Starship ဒုံးပျံကြီးက တက္ကဆက်မှ လွှတ်တင်ပြီးမိနစ်ပိုင်းအတွင်းမှာ ပေါက်ကွဲပျက်စီးသွားလို့ မက္ကဆီကိုပင်လယ်ကွေ့ရှိ လေကြောင်းလိုင်းများက အပျက်အစီးများ ပြုတ်ကျခြင်းကို ရှောင်ရှားရန် သတိပေးပြောကြားချက်တွေကို ထုတ်ပြန်ထားခဲ့ရပါတယ်။
SpaceX မစ်ရှင်ထိန်းချုပ်မှုသည် ညနေ ၅ နာရီ ၃၈ မိနစ်တွင် ၎င်း၏တောင်ဘက်တက္ကဆက် ဒုံးပျံစခန်းမှ လွှတ်တင်ပြီး ရှစ်မိနစ်အကြာတွင် အဆက်အသွယ်ပြတ်တောက်သွားခဲ့ပါတယ်။ အဆင့်မြှင့်တင်ထားသော Starship ဒုံးပျံပေါ်မှာ ပထမဆုံးသော စမ်းသပ်ဂြိုဟ်တုများကို တင်ဆောင်ထားပါတယ်။ ရိုက်တာသတင်းဌာန မှ ရိုက်ကူးထားသည့်ဗီဒီယိုတွင် ဟေတီနိုင်ငံမြို့တော် Port-Au-Prince ပို့ဩပရင့်စ် ကောင်းကင်ယံတွင် လိမ္မော်ရောင် အလင်းတန်းများ ဖြာထွက်နေသည်ကို မြင်တွေ့ရပြီး မီးခိုးငွေ့များ ထွက်လာသည်ကို တွေ့ရပါတယ်။
" Starship နဲ့ ဆက်သွယ်မှုအားလုံး ဆုံးရှုံးခဲ့ပါတယ်၊ ဒါက အခြေခံအားဖြင့် ကျွန်တော်တို့ရဲ့ အပေါ်ပိုင်း ဆက်သွယ်ရေးမှာ ကွဲလွဲမှုတစ်ခုရှိနေတယ်လို့ ပြောတာပါ" လို့ SpaceX ဆက်သွယ်ရေးမန်နေဂျာ ဒန်ဟော့က အတည်ပြုပြောကြားခဲ့သည်။ Starship ကို လွှတ်တင်ပြီး မိနစ်ပိုင်းအကြာမှာပဲ ဆက်သွယ်ရေး စနစ်တစ်ခုလုံး ပျောက်ဆုံးသွားတာပါ။
Starship ဒုံးပျံတွေကို စမ်းသက်ပစ်လွှတ်တာ အရင်ကလည်း မအောင်မြင်တာတွေ ရှိပါတယ်။ ပြီးခဲ့သည့်နှစ် မတ်လတုန်းကလည်း တစ်စီး ပေါက်ကွဲပျက်စီးပြီး အပျက်အစီးတွေက အိန္ဒိယသမုဒ္ဒရာပေါ်ကနေ ကမ္ဘာ့လေထု အတွင်းသို့ ပြန်လည်ဝင်ရောက်လာသောကြောင့် လေကြောင်းသွားလာမှုတွင် ကျယ်ကျယ်ပြန့်ပြန့် အနှောင့်အယှက် ဖြစ်စေခဲ့ပါတယ်။
မီယာမီအပြည်ပြည်ဆိုင်ရာလေဆိပ်တွင် လေယာဉ်ခရီးစဉ်အချို့ကို ရပ်နားထားရကြောင်းရိုက်တာသတင်းဌာနမှ မျက်မြင်သက်သေတစ်ဦး၏ ပြောကြားချက်အရ သိရပါတယ်။ လေကြောင်းရေဒါ ၂၄ ရဲ့ ခြေရာခံဝဘ်ဆိုဒ်မှ လေယာဉ်ပျံသန်းမှု မှတ်တမ်းများကို အခြေခံ၍ ဖြစ်နိုင်ချေရှိသော အပျက်အစီးများကို ရှောင်ရှားရန် အခြားလေဆိပ်များသို့ လမ်းကြောင်းပြောင်းခြင်းကိုလုပ်ခဲ့ရပါတယ်။ ကူးသန်းရောင်းဝယ်ရေးလေယာဥ် ၂၀ ထက်မနည်း လမ်းကြောင်းပြောင်းခဲ့ရပါတယ်။ ပုဂ္ဂလိက လေယာဉ်ပျံသန်းရေး လှုပ်ရှားမှုများကို ထိန်းချုပ်သည့် ဖက်ဒရယ် လေကြောင်း စီမံခန့်ခွဲရေး က အခြေအနေကို အကဲဖြတ်နေတယ်လို့ ဆိုပါတယ်။
REF: NDTV
Join - https://t.me/MyanmarNationalPost
No comments:
Post a Comment