ပြည်၊ ဖေဖေါ်ဝါရီ ၁၂
ပဲခူးတိုင်းဒေသကြီး၊ ပြည်ခရိုင်၊ ပြည်မြို့ လေးဆူဓါတ်ပျော်ရွှေဆံတော်ဘုရားကြီး၌ (၁၀၁)ကြိမ်မြောက် ညံရိုးမီးပူဇော်ပွဲကို ကျင်းပပြုလုပ်သည်။
အဆိုပါ ညံရိုးမီးပူဇော်ပွဲကို မြန်မာနိုင်ငံတစ်နိုင်ငံလုံး၌ နှစ်စဥ်တပို့တွဲလပြည့်နေ့၌ ပြည်မြို့လေးဆူဓါတ်ပျော် ရွှေဆံတော်ဘုရားကြီး၌ကျင်းပလာခဲ့သည်မှာ ရှေးယခင် ပျူလူမျိုးများလက်ထက်ကပင် ပြုလုပ်ခဲ့ကြပြီဟုသိရပြီး အဆိုပါညံရိုးပင်ကို ပြည်ဒေသအနီးတဝိုက်ရှိ ရေနှင့်နီးစပ်လျက်ရှိသောကျေးရွာများတွင် ပေါက်ရောက်သော အဆိုပါညံရိုးပင်များကိုအခွံခွါကာနေလှမ်းကြပြီး ရွှေဆံတော်ဘုရားကြီး မြောက်ဘက်စောင်းတန်း၌ ဘုရားဖူးပြည်သူများ ကုသိုလ်ပွားများနိုင်ရန် ညံရိုးသည်များရောက်ရှိကာ ရောင်းချပေးကြသည်။ အဆိုပါညံရိုးမီးကို ရွှေဆံတော်စေတီတော်မြတ်ကြီးအနောက်စောင်းတန်းမှ လေးတောင်အုတ်ကန်ထဲသို့ နံနက် ၄ နာရီမှ အမွှေးနံ့သာတုံးများဖြင့် စတင်မီးညှိကာ ညံရိုးပင်များပစ်ထည့်ကာ ညံရိုးမီးစတင်ပူဇော်ကြသည်။
အလွန်အေးသောဆောင်းရာသီကာလမှာ ဗုဒ္ဓမြတ်စွာဘရားအား ညံရိုးမီးဖြင့်အပူဓါတ် အလင်းဓါတ်တို့ဖြင့်ပူဇော်ရခြင်းကြောင့် ဉာဏ်အမြော်အမြင်ကြီးမားခြင်း၊ အသိဉာဏ်ကြွယ်ဝခြင်း၊ ဘဝမှာအစစအရာရာထူးချွန်ထက်မြတ်ခြင်းစသည့် ကုသိုလ်ထူးများရကြသည်ဟု ပြည်သူပြည်သားများက လက်ခံယုံကြည်ကြသည်။
ထို့နောက် ရွှေဆံတော်ဘုရားမြတ်ကြီး ဂေါပကအဖွဲ့နှင့်ဘုရားဝေယျာဝစ္စအဖွဲတို့မှ ဘုရားဖူးလာပြည်သူများအား ထမင်းနဲဖြင့် ရွှေဆံတော်ဘုရားရင်ပြင်တော်ပေါ်၌ ဧည့်ခံကျွေးမွေးကြသည်။
ကိုစိုး(ပြည်)
#News #MNP
https://t.me/MyanmarNationalPost
No comments:
Post a Comment