ဂျပန်ဝန်ကြီးချုပ်ဟောင်းကို လုပ်ကြံသူအား ထောင်ဒဏ် ၁၀နှစ်ချ

ဖေဖော်ဝါရီ - ၂၀ ( ကြာသပတေးနေ့ ) 

ပြီးခဲ့တဲ့ ၂၀၂၃ ခုနှစ် ဧပြီလအတွင်းမှာ ရွေးကောက်ပွဲအတွက် ဟောပြောနေတဲ့ ဝန်ကြီးချုပ်ဟောင်း ဖူမီယိုကီရှီဒါကို ပိုက်ဗုံးပစ်ပြီး လုပ်ကြံဖို့ကြိုးစားခဲ့တဲ့ အာရူဂျီကီမူရာကို ဂျပန်တရားရုံး တစ်ခုက ဒီကနေ့ပဲ ထောင်ဒဏ် ၁၀ နှစ် ပြစ်ဒဏ်ချမှတ်လိုက်ပါတယ်။ 

ဝါကာရာမာခရိုင် တရားရုံးက ကီမူရာက ဝန်ကြီးချုပ်ဟောင်းကို ရည်ရွယ်ချက်နဲ့ သေစေလိုတယ်ဆိုတဲ့ မှတ်ချက်နဲ့ ထောင်ဒဏ်ချလိုက်တာပါ။ ၂၀၂၃ ခုနှစ် ဧပြီလ ၁၅ ရက်နေ့၊ ဝါကာရာမာ မြို့ရှိ ငါးဖမ်းဆိပ်ကမ်းငယ်တစ်ခုတွင် ဖြစ်ပွားခဲ့သည့် ကီရှီဒါ ကို သတ်ဖြတ်ရန် ကြိုးပမ်းမှုအပြင် ဖောက်ခွဲရေးပစ္စည်းများနှင့် အခြားလက်နက်ဆိုင်ရာ ဥပဒေချိုးဖောက်မှု အပါအဝင် အခြားပြစ်မှု လေးခုကိုလည်း ဂျပန်တရားရုံးတစ်ခုက အပြစ်ရှိကြောင်း တွေ့ရှိခဲ့ပါတယ်။ ရွေးကောက်ပွဲ မဲဆွယ်ပွဲအတွင်း တိုက်ခိုက်မှုသည် ဒီမိုကရေစီအတွက် ပြင်းထန်သော စိန်ခေါ်မှုဖြစ်ပြီး လူများစွာအတွက် အန္တရာယ်ရှိကြောင်း စီရင်ချက်က ဆက်လက်ဖော်ပြထားပါတယ်။ 

သို့သော်လည်း ဖေဖော်ဝါရီလအစောပိုင်းတွင် ရုံးချိန်းအစတွင် ကီမူရာ သည် လူသတ်မှုအတွက် ကျူးလွန်ရန် ကြံစည်မှုတွင် အပြစ်မရှိကြောင်း ထွက်ဆိုခဲ့ပြီး ကီရှီဒါကိုသတ်ရန် မရည်ရွယ်ကြောင်း တရားရုံးသို့ ပြောကြားခဲ့ပါတယ်။ သူ့ရဲ့တိုက်ခိုက်မှုနောက်ကွယ်က ရည်ရွယ်ချက်က ဂျပန်ရွေးကောက်ပွဲစနစ်အပေါ် မကျေနပ်တာဖြစ်တယ်လို့ ကီမူရာ က ပြောကြားခဲ့ပြီး နာမည်ကျော် နိုင်ငံရေးပုဂ္ဂိုလ်တစ်ဦးကို ပစ်မှတ်ထားကာ လူထုရဲ့အာရုံကို ဖမ်းစားချင်တယ်လို့ ဆိုပါတယ်။

၂၀၂၃ ခုနှစ် တိုက်ခိုက်မှုအတွင်းမှာ ဝန်ကြီးချုပ်ဟောင်းက ထိခိုက်မှု မရှိခဲ့ပေမဲ့ အခမ်းအနားတက်လာသူ အခြားလူနှစ်ဦး ဒဏ်ရာအနည်းငယ်ရရှိခဲ့ပါတယ်။ ရဲတပ်ဖွဲ့က ကီမူရာ ကို အခင်းဖြစ်နေရာတွင် လက်ရဖမ်းဆီးခဲ့ပါတယ်။ 

REF: Hindustan Times

#News #MNP 

https://t.me/MyanmarNationalPost