လှည်းကူးမြို့နယ်တွင် ငွေကျပ်သိန်း ၃,၀၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

နေပြည်တော်၊ ဖေဖော်ဝါရီ ၂၄

လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် သက်သေများနှင့်အတူ ဖေဖော်ဝါရီလ ၂၁ ရက်နေ့ ၀၉၂၀ အချိန် လှည်းကူးမြို့နယ်၊ အင်းတိုင်ကျေးရွာအနီးတွင် မနန်စီ(ခ)မနှင်းဆီ နှင့် စိုးလွင် တို့အား TOYOTA MARK II အမျိုးအစား မော်တော်ယာဉ်နှင့် HONDA FIT အမျိုးအစား မော်တော်ယာဉ်တို့နှင့်အတူ မသင်္ကာဖွယ်တွေ့ရှိသဖြင့် စစ်ဆေးရှာဖွေရာ HONDA FIT မော်တော်ယာဉ်ပေါ်မှ စိတ်ကြွရူးသွပ်ဆေးပြား ၃၀၀,၀၀၀ ပြား(ဒေသကာလပေါက်ဈေးတန်ဖိုးငွေကျပ်သိန်း ၃,၀၀၀)နှင့် လက်ကိုင်ဖုန်း ၄ လုံးတို့အား တွေ့ရှိသိမ်းဆည်းရမိခဲ့သည်။

ကွင်းဆက်ဖော်ထုတ်ချက်အရ ၁၅ ၃၀ အချိန် အဆိုပါ စိတ်ကြွရူးသွပ်ဆေးပြားများ သယ်ဆောင်ရောင်းဝယ်ရာ၌ ပူးပေါင်းပါဝင်သူ အောင်အောင်ဦး အား မင်္ဂလာဒုံမြို့နယ်၊ လေးထောင့်ကန်စံပြရပ်ကွက်တွင် FIELDER အမျိုးအစား မော်တော်ယာဉ် ၁ စီး၊ လက်ကိုင်ဖုန်း ၁ လုံးတို့နှင့်အတူ ထပ်မံဖမ်းဆီးရမိခဲ့သဖြင့် မနန်စီ(ခ)မနှင်းဆီ(၄၁)နှစ်၊ စိုးလွင်(၄၂)နှစ် နှင့် အောင်အောင်ဦး(၄၃)နှစ်တို့အား လှည်းကူးမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရသည်။

#News #MNP

https://t.me/MyanmarNationalPost