မတ် - ၁၉ ( ဗုဒ္ဓဟူးနေ့ )
အမေရိကန်သမ္မတ ဒေါ်နယ်ထရမ့်က ရုရှားသမ္မတ ဗလာဒီမာပူတင်နှင့် ဖုန်းပြောဆိုမှုအပေါ် ကောင်းမွန်ပြီး အကျိုးဖြစ်ထွန်းမှု ရှိတယ်လို့ ဖော်ပြခဲ့ပါတယ်။ ၎င်းတို့နှစ်ဦးစလုံးက စွမ်းအင်ဆိုင်ရာ၊ အခြေခံ အဆောက်အအုံဆိုင်ရာ နဲ့ အပစ်အခတ်ရပ်စဲရေး ကိစ္စတွေကို ချက်ချင်းလုပ်ဆောင်သင့်တယ်လို့ ဆုံးဖြတ်ခဲ့ကြပါတယ်။
ထရမ့်နဲ့ ပူတင် နှစ်ဦးစလုံးက ပြီးပြည့်စုံသော အပစ်အခတ်ရပ်စဲရေးကို အလျင်အမြန်လုပ်ဆောင်ရန်နှင့် ရန်လိုမှုများကို အဆုံးသတ်ရန် သဘောတူညီခဲ့ကြောင်း ထရမ့်က သူ့ရဲ့ကိုယ်ပိုင် Truth Social ပလက်ဖောင်း ပေါ်မှာ ပို့စ်တင်ပြီး ပြောကြားခဲ့ပါတယ်။
"စစ်သည်ထောင်ပေါင်းများစွာ အသတ်ခံနေရတယ်ဆိုတဲ့ အချက်အပါအဝင် ငြိမ်းချမ်းရေးစာချုပ်ရဲ့ အစိတ်အပိုင်းတော်တော်များများကို ဆွေးနွေးခဲ့ပြီး သမ္မတပူတင်နဲ့ သမ္မတ ဇီလန်စကီး နှစ်ဦးစလုံးက အဲဒါကို အဆုံးစွန်ထိ မြင်စေချင်ပါတယ်" လို့ ထရမ့်က ပြောပါတယ်။
ငြိမ်းချမ်းရေး လုပ်ငန်းစဉ်သည် ယခုအခါတွင် အပြည့်အဝ အကျိုးသက်ရောက်မှုရှိနေပြီဟု ဆိုကာ၊ ၎င်းသည် လူသားဆန်သော အကျိုးစီးပွားအတွက် အလုပ်ပြီးမြောက်မည်ဟု မျှော်လင့်ကြောင်း ဆိုပြီး နိဂုံးချုပ်ခဲ့ပါတယ်။
ရုရှားနှင့် ယူကရိန်းတို့အတွက် စွမ်းအင်အခြေခံအဆောက်အအုံဆိုင်ရာ တိုက်ခိုက်မှုများကို ရက်ပေါင်း ၃၀ ကြာ ရပ်တန့်ရန် ရုရှားနှင့် ယူကရိန်းတို့အတွက် ထရမ့်၏ အဆိုပြုချက်ကို ရုရှားသမ္မတပူတင်က ထောက်ခံကြောင်း အစောပိုင်းတွင် အတည်ပြုခဲ့ပြီး ၎င်း၏စစ်တပ်အား ညွှန်ကြားခဲ့ပါတယ်။ ခေါင်းဆောင်များ၏ ၂ နာရီ ၅မိနစ် ကြာ ခေါ်ဆိုမှုအတွင်း တစ်စိတ်တစ်ပိုင်း အပစ်အခတ်ရပ်စဲရေးဆိုင်ရာ သဘောတူညီချက် ရရှိခဲ့ပါတယ်။
ရုရှားနှင့် ယူကရိန်းတို့သည် ၁၇၅ - ၁၇၅ ဖော်မြူလာကို အခြေခံ၍ ဗုဒ္ဓဟူးနေ့တွင် အကျဉ်းသားလဲလှယ်မှု ပြုလုပ်မည်ဖြစ်ကြောင်း ပူတင်က ထရမ့် ကို အသိပေးခဲ့ပါတယ်။ ပင်လယ်နက်ရှိ ရေကြောင်းလုံခြုံရေးဆိုင်ရာ ကိစ္စနဲ့ ပတ်သက်ပြီး ထရမ့်တောင်းဆိုချက်ကို ပူတင်ကပြန်ပြီး သဘောတူခဲ့ပါတယ်။
တစ်ချိန်တည်းမှာပင် ရုရှားသမ္မတသည် ယူကရိန်းနှင့် စစ်ရေးအကူအညီများ ရပ်ဆိုင်းရေး၊ ထောက်လှမ်းရေး မျှဝေမှု အပါအဝင် ရန်လိုမှုများ အပြီးသတ်ရန် အခြေအနေများစွာကို ဆွေးနွေးခဲ့ကြောင်း သိရပါတယ်။ ခေါင်းဆောင်နှစ်ဦးသည် အရှေ့အလယ်ပိုင်းဒေသ အခြေအနေနှင့် ဒေသတွင်း ပဋိပက္ခများကို ကာကွယ်တားဆီးရေးကိုလည်း ဆွေးနွေးခဲ့ကြတယ်လို့ သိရပါတယ် ။
REF - RT
https://t.me/MyanmarNationalPost
No comments:
Post a Comment