စင်ကာပူ၊ မေ ၁
မြန်မာသံရုံး၊ စင်ကာပူမြို့မှ သံရုံးယာယီတာဝန်ခံ/သံအမတ် ဒေါက်တာဇော်မင်းအောင် သည် စင်ကာပူနိုင်ငံခြားရေးဝန်ကြီးဌာန၊ အရှေ့တောင်အာရှဌာန၊ ညွှန်ကြားရေးမှူးချုပ် Mr. LOY Hui Chien အား ၂၀၂၅ ခုနှစ် ဧပြီလ ၃၀ ရက်နေ့၊ နံနက် ၁၁:၀၀ နာရီတွင် စင်ကာပူ နိုင်ငံခြားရေး ဝန်ကြီးဌာန၌ သွားရောက်တွေ့ဆုံခဲ့သည်။
ထိုသို့တွေ့ဆုံရာတွင် မြန်မာ-စင်ကာပူ နှစ်နိုင်ငံဆက်ဆံရေးနှင့် နှစ်ဖက်ပူးပေါင်း ဆောင်ရွက်သွားနိုင်မည့် အလားအလာများ၊ အာဆီယံတွင်း ပူးပေါင်းဆောင်ရွက်ရေးနှင့် စင်ကာပူ နိုင်ငံရှိ မြန်မာနိုင်ငံသားများအရေးကိစ္စနှင့် ပတ်သက်၍ အမြင်ချင်းဖလှယ် ဆွေးနွေးခဲ့ကြောင်း သိရသည်။
သံရုံးယာယီတာဝန်ခံက စင်ကာပူနိုင်ငံအစိုးရမှ ငလျင်ဘေးဒဏ်တွေ့ကြုံခဲ့ရသော မြန်မာပြည်သူ များထံသို့ လူသားချင်းစာနာထောက်ထားမှုအကူအညီများ ပေးအပ်ခဲ့ခြင်းနှင့် ကယ်ဆယ်ရေးအဖွဲ့များ စေလွှတ်ခဲ့ခြင်းအတွက် ကျေးဇူးတင်ရှိကြောင်း ဆွေးနွေးပြောကြားခဲ့သည်။
https://t.me/MyanmarNationalPost
No comments:
Post a Comment