မြောက်ဥက္ကလာပမြို့နယ် ဝေဘာဂီရပ်ကွက်အတွင်း မဲဆန္ဒရှင်ပြည်သူများအား မြန်မာအီလက်ထရောနစ်မဲပေးစက်ဆိုင်ရာ အသိပညာပေးခြင်းနှင့် လက်တွေ့စမ်းသပ်မဲပေးမှု များ ဆက်လက်ကွင်းဆင်း ဆောင်ရွက်ပေး

မြောက်ဥက္ကလာပ၊ စက်တင်ဘာ  ၂၀

ရန်ကုန်တိုင်းဒေသကြီး၊ မရမ်းကုန်းခရိုင်၊  မြောက်ဥက္ကလာပမြို့နယ်အတွင်းရှိမဲဆန္ဒရှင်ပြည်သူများအား မြန်မာအီလက်ထရောနစ်မဲပေးစက်ဆိုင်ရာ အသိပညာပေးခြင်းနှင့် လက်တွေ့စမ်းသပ်မဲပေးလေ့လာခြင်းကို  မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ၏ ကြီးကြပ်မှုဖြင့် မြောက်ဥက္ကလာပမြို့နယ် ရွေးကောက်ပွဲ ကော်မရှင်အဖွဲ့ခွဲ နှင့် တာဝန်ကျ ဌာနဆိုင်ရာများပူးပေါင်း၍   ယမန်နေ့ နံနက်ပိုင်းက ဝေဘာဂီရပ်ကွက်၊သပြေလမ်း၊ သာသနာပါလဓမ္မာရုံ၌ ကွင်းဆင်း ပြုလုပ် ဆောင်ရွက်ခဲ့ကြသည်။

ဦးစွာ မြို့နယ်ရွေးကောက်ပွဲကော်မရှင်အဖွဲ့ခွဲဥက္ကဋ္ဌ ကအမှာစကားပြောကြားပြီး မြို့နယ်ရွေးကောက်ပွဲအရာရှိက   မြန်မာအီလက်ထရောနစ်မဲပေးစက်  အကြောင်း သိကောင်းစရာများ ၊ ပါတီစုံဒီမိုကရေစီ ရွေးကောက်ပွဲကြီး အောင်မြင်စွာကျင်းပနိုင်ရေးအတွက် မြန်မာအီလက်ထရောနစ်မဲပေးစက်ဖြင့်စမ်းသပ်မဲပေးမှု   အဆင့်ဆင့်ကို ရှင်းလင်းပြသခဲ့ပေးကြပြီး  တက်ရောက်လာကြသည့် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ အဖွဲ့ဥက္ကဋ္ဌဦးအောင်လောဟာ ၊မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီအဖွဲ့၀င်(၁)ဗိုလ်မှူး ဖြိုးဝေလင်း ၊ မြို့နယ်ရွေးကောက်ပွဲကော်မရှင်အဖွဲ့ခွဲဥက္ကဋ္ဌ နှင့်အဖွဲ့ဝင်များ၊   မြို့နယ်အဆင့်ဌာနဆိုင်ရာအ သီးသီးမှတာ၀န်ရှိသူများ ၊မြို့နယ်‌‌ ရွေးကောက်ပွဲ ကော်မရှင် မှဦးစီးအရာရှိနှင့်ဝန်ထမ်းများ ၊ ဝေဘာဂီရပ်ကွက်အုပ်ချုပ်ရေးမှူး  ဦးဆောင်သည့်အုပ်ချုပ်ရေးအဖွဲ့များ၊ရပ်ကွက်ကော်မရှင်အဖွဲ့ခွဲမှဥက္ကဌ၊ အတွင်း ရေးမှူးနှင့်အဖွဲ့ဝင်များ၊ မိခင်နှင့်ကလေး စောင့်ရှောက် ရေး အသင်း၊လူမှု‌ရေးအသင်းအဖွဲ့များ ၊ မဲဆန္ဒရှင်ပြည်သူ ၃၃၂၄ ဦးခန့် ကစိတ်ပါဝင်စားစွာ လက်တွေ့စမ်းသပ်မဲ ပေးခဲ့ကြကြောင်းသိရသည်။

သက်လွင်စိုး

https://t.me/MyanmarNationalPost