၇နှစ်ကြာ မိုးခေါင်နေတဲ့ မော်ရိုကို ဒီဆောင်းရာသီမှာ ရပ်တန့်သွားပါပြီ

ဇန်နဝါရီ - ၁၅ ( ကြာသပတေးနေ့ ) 

မော်ရိုကိုနိုင်ငံရဲ့ ခုနစ်နှစ်ကြာ မိုးခေါင်ရေရှားမှုက ဒီနှစ်ဆောင်းရာသီအတွင်း မိုးသည်းထန်စွာရွာသွန်းမှုနှင့် ဆီးနှင်းများကျဆင်းမှုတို့ကြောင့် အဆုံးသတ်သွားပြီလို့ အစိုးရက ယခုသီတင်းပတ်တွင် ပြောကြားခဲ့ပြီး နိုင်ငံအတွင်း ရေရရှိမှု အခြေအနေအတွက် ကြီးမားသောပြောင်းလဲမှုတစ်ခုကို ဆောင်ကျဉ်းပေးခဲ့ပါတယ်လို့ ဆိုပါတယ်။ 

စက်တင်ဘာ ၁ ရက်မှ ဇန်နဝါရီ ၁၂ ရက်အထိ မိုးရေချိန် ၁၀၈ မီလီမီတာရှိပြီး ယမန်နှစ်အလားတူကာလထက် ၉၅% ပိုများပါတယ်။ ရေရှည်ရာသီအလိုက် ပျမ်းမျှထက် ၁၇% ပိုများကြောင်း တနင်္လာနေ့တွင် ကျင်းပသော ရာဘတ်မြို့ အောက်လွှတ်တော်အစည်းအဝေးတွင် စက်ပစ္စည်းနှင့် ရေ၀န်ကြီး က ပြောကြားခဲ့ပါတယ်။ 

“လက်ရှိအနေအထားအရဆိုရင် မော်ရိုကိုဟာ မိုးခေါင်ရေရှားနှစ်တွေကနေ တရားဝင်ထွက်သွားပြီလို့ ပြောနိုင်ပါတယ် လို့ ၎င်းက ဆိုပါတယ်။  မိုးသည်းထန်စွာရွာသွန်းမှုကြောင့် ဆည်များမှာ ရေ ပမာဏ သိသိသာသာ တိုးတက်လာခဲ့ပါတယ်။ တစ်နိုင်ငံလုံးအတိုင်းအတာဖြင့် ပျမ်းမျှရေလှောင်တမံ ဖြည့်သွင်းမှုနှုန်းသည် ဒီဇင်ဘာလတွင် ၃၁ ရာခိုင်နှုန်းမှ ၄၆ ရာခိုင်နှုန်းအထိ မြင့်တက်လာပြီး စုစုပေါင်းရေသိုလှောင်မှုမှာ ကုဗမီတာ ၇ ဒသမ ၇ ဘီလီယံခန့်ရှိပါတယ်။ 

မြို့ကြီးများနှင့် လယ်မြေများကို ထောက်ပံ့ပေးသည့် အဓိက ရေလှောင်ကန်အများအပြားသည် စွမ်းဆောင်ရည်အပြည့် အနီးသို့ ရောက်ရှိခဲ့ကြောင်း၊ အချို့သော ဆည်များသည် ဖြည့်စွက်နှုန်း ၈၀ % မှ ၁၀၀% အထိရှိလာပါတယ်။ အဓိကဆည်ကြီးဖြစ်တဲ့ ဆီဒီ မိုဟာမက်ဘန်အဘ်ဒယ်လာ ဆည်သည် ၉၂ ရာခိုင်နှုန်းခန့် ပြည့်နေပြီး ရေများ လျှံတက်နေပါတယ်လို့ ကာကွယ်ရန် ဝန်ကြီးက အစီရင်ခံတင်ပြခဲ့ပါတယ်။ 

ဤရာသီတွင် ထင်ရှားသော နှင်းများဖုံးလွှမ်းခြင်းကလည်း ရေအရင်းအမြစ်ကို ဖြည့်တင်းပေးနေပါတယ်။ နှင်းများကျဆင်းမှုသည် အစပိုင်းတွင် တောင်တန်းဧရိယာ ၅၅,၄၉၅ စတုရန်းကီလိုမီတာကို ဖုံးလွှမ်းခဲ့ပါတယ်။ 

မိုးမရွာမီတွင် မော်ရိုကို၏ ဆည်များနှင့် ရေလှောင်ကန်များသည် နှစ်ပေါင်းများစွာ ပျမ်းမျှမိုးရွာသွန်းမှုအောက် ကျဆင်းပြီးနောက် နက်ရှိုင်းစွာ ပျက်စီးသွားခဲ့ပါတယ်။ ၂၀၂၅ ခုနှစ်နှောင်းပိုင်းတွင် တရားဝင်အချက်အလက်များ အရ အမျိုးသားရေကာတာရင်းမြစ်များ သည် စုစုပေါင်းစွမ်းဆောင်ရည်ရဲ့ သုံးပုံတစ်ပုံခန့်သို့ ကျဆင်းသွားကြောင်း ပြသခဲ့ပါတယ်။  ခြောက်သွေ့သောနှစ်များတွင် မိုးရွာသွန်းမှုနည်းခြင်းကြောင့် မြေအောက်ရေ သိုလှောင်မှု အားနည်းလာပြီး လယ်ယာနှင့် ကျေးလက်အသက်မွေးဝမ်းကျောင်းလုပ်ငန်းများအပေါ် ဖိအားများ တိုးလာခဲ့ပါတယ်။ အိမ်ထောင်စု၊ စိုက်ပျိုးရေးနှင့် ရေအခြေခံအဆောက်အအုံများတွင် နာတာရှည်ရေရရှိမှု နည်းပါးလာနေကြောင်း အစီရင်ခံစာက သတိပေးထားပါတယ်။ 

REF: RT

#MNP #News