ရေနံစိမ်းက ၂၀၂၂ ခုနှစ်နောက်ပိုင်း အမြင့်ဆုံးဈေးကို ရောက်သွားပြီ

မေ - ၁ ( သောကြာနေ့ ) 

အမေရိကန်သမ္မတ ဒေါ်နယ်ထရန့်သည် အီရန်ဆိပ်ကမ်းများကို ပိတ်ဆို့ထားမှုအား သက်တမ်းတိုးနိုင်တယ် နဲ့  အမေရိကန်-အီရန် ဆွေးနွေးမှုများ ရပ်တန့်ရပ်သွားပြီဆိုတဲ့ ယူဆချက်တွေကြောင့် ကြာသပတေးနေ့ ဘရန့်ရေနံစိမ်းစျေးနှုန်းက တစ်စည်ကို ကန်ဒေါ်လာ ၁၂၆ ဒေါ်လာအထိ မြင့်တက်ခဲ့ပါတယ်။ 

ရုရှား - ယူကရိန်းပဋိပက္ခ ပြင်းထန်ခဲ့၂၀၂၂ ခုနှစ်ပြီးနောက်  ပထမဆုံးအကြိမ်အဖြစ်  ၁၂၆.၃ ဒေါ်လာအထိ ရောက်ရှိခဲ့ပါတယ်။ ကြာသပတေးနေ့ ညနေပိုင်းမှာတော့ စျေးနှုန်းများက ၁၂၅ .၃၀ သို့ ပြန်ကျခဲ့ပါတယ်။ အမေရိကန်မှာကတော့ တစ်စည်ကို ၁၁၀.၅ ဒေါ်လာနဲ့ ၁၀% ကျော်မြင့်တက်ခဲ့ပါတယ်။ 

အိမ်ဖြူတော်တာဝန်ရှိသူများကို ကိုးကားပြီး ဗုဒ္ဓဟူးနေ့က မီဒီယာများဖော်ပြချက်မှာ ထရမ့်က အီရန်ဆိပ်ကမ်းများကို လပေါင်းများစွာကြာအောင် ပိတ်ဆို့ထားရန် အစီအစဉ်ရှိနေတယ်လို့ ပါရှိပါတယ်။ အကြောင်းကတော့ အီရန်အား ပိုမိုနှစ်သက်ဖွယ်ကောင်းတဲ့ ငြိမ်းချမ်းရေးသဘောတူညီချက်တစ်ရပ်ကို သဘောတူရန် ဖိအားပေးဖို့ ကြိုးစားတာလို့ ဆိုပါတယ်။ 

အီရန်ဘက်ကတော့ ၎င်း၏ဆိပ်ကမ်းများကို အမေရိကန်က ပိတ်ဆို့ထားမှုကို ရုတ်သိမ်းရန် “မကြုံစဖူးသော စစ်ရေးလှုပ်ရှားမှု” စတင်ရန် အသင့်ရှိကြောင်း သတိပေးထားပါတယ်။ 

မနေ့က ညနေက အမေရိကန်ဗဟိုစစ်ဌာနချုပ်အကြီးအကဲ ဘရက်ကူပါး က အီရန်အပေါ် အလားအလာရှိသော စစ်ရေးအရ အရေးယူမှုအသစ်ပြုလုပ်မယ့် အစီအစဉ်များကို အမေရိကန်သမ္မတ ဒေါ်နယ်ထရမ့် အား တင်ပြရန် စီစဉ်ထားတယ်လို့ သိရပါတယ်။ 

အီရန်ရဲ့ အခြေခံအဆောက်အအုံနှင့် အခြားပစ်မှတ်များကို တိုတောင်းပြီး အင်အားပြင်းသော တိုက်ခိုက်မှုများ၊ ဟော်မုဇ်ရေလက်ကြား အစိတ်အပိုင်းများကို သိမ်းပိုက်ရန် မြေပြင်တပ်ဖွဲ့အသုံးပြုမှု နဲ့ သင်္ဘောပို့ဆောင်မှုများကို ပိတ်ဆို့ထားရန်၊ အီရန်၏ ကြွယ်ဝသော ယူရေနီယံများကို သိမ်းပိုက်ရန် အထူးတပ်ဖွဲ့များ၏ စစ်ဆင်ရေးများ ပါဝင်နိုင်ကြောင်း သတင်းရင်းမြစ်များကို ကိုးကားပြီး မီဒီယာတွေက ဖော်ပြကြပါတယ်။ 

REF: RT

#MNP #News