လသာ ၊ မေ ၁၂
ရန်ကုန်တိုင်းဒေသကြီး၊ ကျောက်တံတားခရိုင်၊ လသာမြို့နယ်တွင် မြို့ပြအလှတရားနှင့်လျှပ်စစ်ဘေးကင်း လုံခြုံမှုတိုးတက်လာစေရန်ရည်ရွယ်ပြီး မြို့နယ်အတွင်းရှိ လမ်းများ၌ Wi-Fi ကြိုးများအား စနစ်တကျဖြစ်အောင် ပြုပြင်ရှင်းလင်းရေးလုပ်ငန်းများကို ယနေ့ နံနက်ပိုင်းအချိန်က ဆောင်ရွက်ခဲ့ကြသည်။
အဆိုပါလုပ်ငန်းကို မြို့နယ်လျှပ်စစ်မန်နေဂျာရုံးမှဦးဆောင်ကာ ဝိုင်ဖိုင်ကုမ္မဏီများ ပူးပေါင်းပါဝင်ပြီး လမ်းဘေးတန်းတူမကပ်သောကြိုးများ၊ ပျက်စီးနေသောကြိုးများကို ဖယ်ရှား ရှင်းလင်းပြုပြင်ကြသည်။
ထို့နောက် လျှပ်စစ်မန်နေဂျာရုံးမှ တာဝန်ရှိသူက “Wi-Fi ကြိုးများကို စနစ်တကျ ပြုလုပ်ခြင်းသည် ပြည်သူများ၏ ဘေးကင်းလုံခြုံမှုအတွက်သာမက မြို့နယ်အလှတရား တိုးတက်လာစေမည့် အရေးပါသည့် လုပ်ငန်းတစ်ခုဖြစ်သည်” ဟု ပြောကြားခဲ့ကြောင်း သိရသည်။
နေလင်း
https://t.me/MyanmarNationalPost
No comments:
Post a Comment