အိမ်မဲ၊ အောက်တိုဘာ ၃၀
ဧရာဝတီတိုင်းဒေသကြီး မြောင်းမြခရိုင် အိမ်မဲမြို့နယ် အထွေထွေအုပ်ချုပ်ရေးဦးစီးဌာန ရွှေပြည်တန်ခန်းမ၌ ၂၀၂၁ -၂၀၂၂ ခုနှစ် မိုးစပါးသီးနှံသဘာဝဘေး(ရွှေခရု) ကျရောက်မှုကြောင့် ပျက်စီးဆုံးရှုံးသွားသော တောင်သူများအားသွင်းအားစု ပုလဲမြေသြဇာထောက်ပံ့ပေးအပ်ပွဲ အခမ်းအနားကို ယနေ့နံနက် ၁၀ နာရီအချိန်က ကျင်းပခဲ့ကြောင်း သိရသည်။
အခမ်းအနားတွင် ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းက အိမ်မဲမြို့နယ် အတွင်း ၂၀၂၁-၂၀၂၂ ခုနှစ် မိုးစပါးသီးနှံသဘာဝဘေး(ရွှေခရု) ကျရောက်မှုကြောင့် ပျက်စီးဆုံးရှုံးသွားသော တောင်သူများအား သွင်းအားစုပုလဲမြေသြဇာ ထောက်ပံ့ပေးအပ်ရခြင်း အကြောင်းအရာများကို အကျယ်တဝင့် ရှင်းလင်းပြောကြားခဲ့သည်။
ဆက်လက်ပြီး ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းနှင့်အဖွဲ့၊ တာဝန်ရှိသူများက ၂၀၂၁ခုနှစ်-၂၀၂၂ခုနှစ် မိုးစပါးသီးနှံသဘာဝဘေး(ရွှေခရု) ကျရောက်မှုကြောင့် ပျက်စီးဆုံးရှုံးသွားသော ကျေးရွာ (၃၀) မှ တောင်သူပေါင်း(၁၈၂၅)ဦးအတွက် သွင်းအားစု ပုလဲမြေသြဇာ (၆၂၀၅)အိတ်အား လက်ဝယ်အရောက် ထောက်ပံ့ပေးခဲ့ရာ တောင်သူများ ကိုယ်စား တောင်သူတစ်ဦးက ကျေးဇူးတင်စကားပြောကြားခဲ့ကြောင်း သိရသည်။
သတင်း - ချစ်သက်လယ်
https://t.me/MyanmarNationalPost
www.mnpnewsagency.com
No comments:
Post a Comment