ခါမ်းပါတ်၊ နိုဝင်ဘာ ၂၃
စစ်ကိုင်းတိုင်းဒေသကြီး၊ တမူးခရိုင်၊ ခါမ်းပါတ်မြို့၊ အမှတ်(၂)ရပ်ကွက်၊ အခြေခံပညာ အထက်တန်းကျောင်းတွင် အသက် ၁၂ နှစ်အထက် ကျောင်းသား၊ ကျောင်းသူများအား ကိုဗစ်-၁၉ ကာကွယ်ဆေး ထိုးနှံပေးခြင်း လုပ်ငန်းများကို ယနေ့နံနက်ပိုင်းမှစတင်ကာ ဆောင်ရွက်ပေး လျက်ရှိကြောင်း သိရသည်။
ထိုသို့ဆောင်ရွက်ရာတွင် ခါမ်းပါတ်မြို့အတွင်းရှိ သက်ဆိုင်ရာကျောင်းအလိုက် ဆရာ/ဆရာမများ၊ ခါမ်းပါတ်မြို့ အထွေထွေအုပ်ချုပ်ရေး ဦးစီးဌာနမှ ဝန်ထမ်းများ၊ သက်ဆိုင်ရာ တာဝန်ရှိသူများမှ ပူးပေါင်းပါဝင် ဆောင်ရွက်ခဲ့ကြပြီး ခါမ်းပါတ်နယ်မြေရဲစခန်းမှလည်း လုံခြုံရေးလိုက်ပါ ဆောင်ရွက်ပေး ခဲ့ကြောင်း သိရသည်။
ခါမ်းပါတ်မြို့အတွက် ကိုဗစ်ကာကွယ်ဆေးအလုံးရေ (၂၅၀)ရရှိထားပြီး ဆေးတစ်လုံးလျင် နှစ်ယောက်နှုန်းဖြင့် စုစုပေါင်း လူဦးရေ( ၅၀၀)ထိုးနှံပေးနိုင်မည် ဖြစ်ကြောင်း သိရသည်။
သတင်း - သားငယ်
https://t.me/MyanmarNationalPost
www.mnpnewsagency.com
No comments:
Post a Comment