မိုးနဲ၊ နိုဝင်ဘာ ၁၂
ရှမ်းပြည်နယ်(တောင်ပိုင်း)၊ လင်းခေးခရိုင်၊ မိုးနဲမြို့နယ်အတွင်း ကျန်းမာရေးဝန်ကြီးဌာနမှ ထုတ်ပြန်ထားသော စည်းကမ်းချက်များနှင့်အညီ အသက် ၁၈ နှစ်နှင့်အထက် ဒုတိယအသုတ် အကြိမ်ပြည့် ဆက်လက်ထိုးနှံပေးလျက်ရှိရာ ယမန်နေ့ မွန်းလွဲ ၁ နာရီ အချိန်တွင် မြို့နယ် ကမ္ဘောဇခန်းမ၌ ဆက်လက်ထိုးနှံပေးလျက်ရှိကြောင်း သိရသည်။
ကာကွယ်ဆေးထိုးနှံရာတွင် မြို့နယ် ကိုဗစ်-၁၉ ရောဂါ ကာကွယ်ထိန်းချုပ်ကုသရေး ကော်မတီ၏ စီမံမှုဖြင့် မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ် ရဲစခန်း၊ မြို့နယ် ကြက်ခြေနီအသင်းခွဲ (စေတနာ့ဝန်ထမ်းများ)နှင့် မြို့နယ် ပြည်သူ့ကျန်းမာရေးဦးစီးဌာနမှ ဝန်ထမ်းများ ပူးပေါင်းကာ အုပ်စုအလိုက် ဒုတိယအသုတ် အကြိမ်ပြည့် လာရောက်ထိုးနှံသူ များကို ၆ ပေအကွာတွင်ထိုင်စေခြင်း၊ စာရင်းသွင်းပေးခြင်း ကိုယ်အပူချိန် တိုင်းတာပေးခြင်းနှင့် သွေးပေါင်ချိန် ပေးခြင်းတို့ကို စနစ်တကျ ပြုလုပ်ပေးပြီး SINOPHARM အမျိုးအစား ကိုဗစ်-၁၉ ရောဂါ ကာကွယ်ဆေးကို တစ်လုံးလျှင် ၅ ယောက်နှုန်း ဆက်လက်ထိုးနှံပေးလျက်ရှိကြောင်း သိရသည်။
သတင်း - ဇင်ကိုကို (ပြန်/ဆက်)
https://t.me/MyanmarNationalPost
www.mnpnewsagency.com
No comments:
Post a Comment