မက်မန်း၊ နိုဝင်ဘာ ၂၃
ရှမ်းပြည်နယ်(အရှေ့ပိုင်း)၊ “ဝ” ကိုယ်ပိုင်အုပ်ချုပ်ခွင့်ရတိုင်း၊ မက်မန်းခရိုင်၊ မက်မန်းမြို့နယ်၌ အသက် (၁၂)နှစ်အထက် ကျောင်းသား/ကျောင်းသူများအား (ဒုတိယအကြိမ်) ကိုဗစ်-၁၉ရောဂါ ကာကွယ်ဆေး ထိုးနှံခြင်းကို နိုဝင်ဘာလ(၂၃)ရက်နေ့က မက်မန်းမြို့ ပြည်သူ့ဆေးရုံတွင် ထိုးနှံပေးခဲ့ကြောင်း သိရသည်။
ရှေးဦးစွာ ကိုဗစ်-၁၉ရောဂါ ကာကွယ်ဆေးထိုးနှံမည့် ကျောင်းသား/သူများအား ကိုယ်အပူအချိန် တိုင်းတာခြင်း၊ သွေးပေါင်ချိန်တိုင်းတာခြင်း၊ ကျန်းမာရေးစစ်ဆေးမှုများ စနစ်တကျစစ်ဆေး ဆောင်ရွက် ပြီးမှ ကိုဗစ်-၁၉ရောဂါ ကာကွယ်ဆေးထိုးနှံပေးခဲ့ကြောင်း ကာကွယ်ဆေးထိုးနှံပြီးသည့် ကျောင်းသား/ သူများအား မိနစ်(၃၀)ခန့် အနားယူစေကာ ကျန်းမာရေးစောင့်ရှောက်မှုများကို ဆောင်ရွက်ပေးခဲ့ ကြောင်း သိရသည်။
ဆက်လျက်၍ မက်မန်းမြို့နယ်အတွင်းရှိ အခြေခံပညာကျောင်းများတွင် တက်ရောက်ပညာ သင်ကြား နေသော အသက်(၁၂)နှစ်အထက် ကျောင်းသား/သူများကိုလည်း ဆက်လက်ထိုးနှံပေးသွားမည် ဖြစ်ကြောင်း မြို့နယ် ကိုဗစ်-၁၉ရောဂါ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီထံမှ သိရသည်။
သတင်း - သန်းမြတ်စိုး (IPRD)
https://t.me/MyanmarNationalPost
www.mnpnewsagency.com
No comments:
Post a Comment