ဖျာပုံ၊ နိုဝင်ဘာ ၁
ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ်ရှိ အခြေခံပညာကျောင်းများအား ကိုဗစ်-၁၉ ရောဂါ ဖြစ်ပွားနေစဉ် ကာလ အတွင်း၊ ကျောင်းများ ယာယီပိတ်ထားခဲ့ရာမှ ယခုအခြေအနေတွင် ရောဂါကူးစက်မှုနှုန်း ကျဆင်းလာသည့်အတွက် နိုဝင်ဘာလ(၁) ရက်နေ့မှစတင်၍ ဖျာပုံမြို့နယ်အတွင်းရှိ အခြခံပညာကျောင်းများအား ပြန်လည်ဖွင့်လှစ်သင်ကြားလျက်ရှိသည်။
ဖျာပုံမြို့နယ်၊ အခြေခံပညာကျောင်းများတွင် ပညာသင်ကြားမည့် အသက်(၁၂)နှစ်အထက် ကျောင်းသား၊ ကျောင်းသူများအား ခရိုင်၊ မြို့နယ်စီမံအုပ်ချုပ်ရေးအဖွဲ့၊ ကျန်းမားရေးဦးစီးဌာန၊ ပညာရေးဌာနတို့ ပူးပေါင်းကာ ကိုဗစ်-၁၉ ကာကွယ်ဆေးများကို အောက်တို ဘာလ (၁၇) ရက်နေ့က စတင်ထိုးနှံပေးခဲ့ပြီး၊ ယခုကျောင်းများ ပြန်လည်ဖွင့်လှစ်သင်ကြားရာတွင်လည်း ကိုဗစ်-၁၉ ရောဂါ ကာကွယ်ရေးစည်းကမ်းချက်များနှင့်အညီ ဖွင့်လှစ်သင်ကြားလျက်ရှိကြောင်းနှင့် ကျောင်းသား၊ ကျောင်းသူများ အေးချမ်းစွာ ပညာသင်ကြားနိုင်ရေးအတွက် ခရိုင်၊ မြို့နယ်စီမံအုပ်ချုပ်ရေးအဖွဲ့၊ မြို့နယ်ရဲတပ်ဖွဲ့တို့က လုံခြုံရေးကိစ္စများ ဆောင်ရွက်ပေးလျက်ရှိ ကြောင်းသိရသည်။
သတင်း - အောင်ဝင်းနိုင်
https://t.me/MyanmarNationalPost
www.mnpnewsagency.com
No comments:
Post a Comment