ပင်လောင်း၊ ဒီဇင်ဘာ ၁၄
ရှမ်းပြည်နယ်တောင်ပိုင်း ပအိုဝ်းကိုယ်ပိုင်အုပ်ချုပ်ခွင့်ရဒေသ ပင်လောင်းမြို့နယ်အတွင်း အခြေခံပညာကျောင်းများမှ အသက် ၁၂ နှစ်အထက် အလယ်တန်းနှင့်အထက်တန်း ကျောင်းသား/ ကျောင်းသူများအား ကိုဗစ်-၁၉ ရောဂါကာကွယ်ဆေး Sinovac(Corona Vac) ထိုးနှံပေးလျက်ရှိရာ ယမန်နေ့နံနက် ၉ နာရီမှ မွန်းလွဲ ၃ နာရီအထိ အမှတ်(၂)အခြေခံပညာအထက်တန်းကျောင်း ခန်းမ၌ ပထမအကြိမ်ဆေးထိုးနှံသူများနှင့် ဒုတိယအကြိမ်ပြည့် ဆေးထိုးနှံသူများအား ကာကွယ်ဆေး ထိုးနှံပေးခဲ့ကြောင်း သိရသည်။
ပင်လောင်းမြို့နယ်အတွင်း အသက် ၁၂ နှစ်အထက် အလယ်တန်းနှင့်အထက်တန်း ကျောင်းသား/ ကျောင်းသူများကို ကိုဗစ်-၁၉ ရောဂါ ကာကွယ်ဆေးအား အဆင်ပြေချောမွေ့စွာ ထိုးနှံနိုင်ရန်အတွက် သတ်မှတ်ပေးထားသည့် ကာကွယ်ဆေးထိုးနှံမည့် ပညာရေးစုံ နေရာစုရပ်များအလိုက် ကာကွယ်ဆေးထိုးနှံ ပေးလျက်ရှိရာ ကာကွယ်ဆေးတစ်ကြိမ်မျှ မထိုးနှံရသေးသည့် ကျောင်းသား/ ကျောင်းသူများနှင့် ပထမတစ်ကြိမ်သာ ထိုးနှံပြီး ကျောင်းသား/ကျောင်းသူကို နှစ်ကြိမ်ပြည့် ထိုးနှံနိုင်ရန် သတ်မှတ်ထားသည့် ဆေးထိုးရမည့်ရက်၊ နေရာများတွင် ကာကွယ်ဆေး ဆက်လက် ထိုးနှံပေးသွားမည်ဖြစ်ကြောင်းနှင့် ကာကွယ်ဆေး နှစ်ကြိမ်အပြည့်ထိုးနှံပြီး ကျောင်းသား/ကျောင်းသူ (၂၆၃၂) ဦး၊ ကာကွယ်ဆေး ပထမတစ်ကြိမ်သာ ထိုးနှံပြီး ကျောင်းသား/ကျောင်းသူ (၈၁၉၁)ဦး ရှိပြီကြောင်း မြို့နယ်ပညာရေးမှူးရုံးထံမှ သိရသည်။
သတင်း - ခွန်အာကာစိုး
https://t.me/MyanmarNationalPost
www.mnpnewsagency.com
No comments:
Post a Comment