MNP ၊ ဇန်နဝါရီ ၂၈
ဧရာဝတီတိုင်းဒေသကြီး၊ ဟိုင်းကြီးကျွန်းအနောက်ဘက် ၈ မိုင်ခန့်အကွာ မြန်မာ့ ပင်လယ်ပြင်အတွင်း၌ ယနေ့နံနက် ၉ နာရီခန့်တွင် မိုးကောင်း(၉) အမည်ရှိ ငါးဖမ်း ဝါးလက်လှေသည် စက်ချို့ယွင်းမှုဖြစ်ပေါ်ပြီး ရာသီဥတု ဆိုးရွားမှုကြောင့် ရေမျော၍ ကျောက်တန်းပေါ်သို့ တင်နေကြောင်း သိရှိရသည်။
ထိုသို့ ဖြစ်ပေါ်နေကြောင်းသိရှိရသဖြင့် တပ်မတော်(ရေ)မှ တပ်ဖွဲ့ဝင်များက စစ်ရေယာဉ်များဖြင့် အဆိုပါနေရာသို့ သွားရောက်၍ ရှာဖွေကူညီကယ်ဆယ်ရေး လုပ်ငန်းများ ဆောင်ရွက်ပေးခဲ့ပြီး လှေပေါ်ပါ လှေသား ၁၈ ဦးအား လိုအပ်သော ကျန်းမာရေးစောင့်ရှောက်မှုများဆောင်ရွက်ပေးခဲ့ကြောင်းနှင့် အဝတ်အထည်နှင့် စားသောက်ဖွယ်ရာများကို ထောက်ပံ့ပေးအပ်ခဲ့ကြောင်း သိရသည်။
https://t.me/MyanmarNationalPost
www.mnpnewsagency.com
No comments:
Post a Comment