MNP - ဖေဖော်ဝါရီ ၂၀
ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မမြို့နယ်တွင် ယနေ့နံနက်က ကိုဗစ်−၁၉ကူးစက်မှုများ မရှိစေရေး ထိန်းချုပ်နိုင်ရေးအတွက် မြို့အဝင်ဂိတ်တွင် မြို့နယ်စီမံအုပ်ချုပ်ရေးအဖွဲ့ ဦးဆောင်၍ သက်ဆိုင်ရာ ဌာနဆိုင်ရာများ ကိုဗစ်ကော်မတီဝင်များ ဆေးရုံဝန်ထမ်းများက ဝါးခယ်မမြို့သို့ လာရောက်သော ခရီးသည်များကို ကိုဗစ်-၁၉ ရောဂါပိုး ရှိ/မရှိ စစ်ဆေးပေး လျက်ရှိကြောင်း သိရသည်။
ထိုသို့စစ်ဆေးရာတွင် ကျန်းမာရေး ဦးစီးဌာနမှ RTDစနစ်ဖြင့် စစ်ဆေးပေးပြီး သက်ဆိုင်ရာ ဌာနဆိုင်ရာများ ဘက်စုံစုပေါင်းကွန်ယက် (ဝါးခယ်မ) လူမှု့ရေးအသင်းအဖွဲ့များ ကြက်ခြေနီ တပ်ဖွဲ့ဝင်များက ပူးပေါင်းပါဝင် ဆောင်ရွက်ကြကြောင်း သိရသည်။
သတင်း - ရီရီလွင်
မြန်မာနေရှင်နယ်ပို့စ်
No comments:
Post a Comment