MNP - ဖေဖော်ဝါရီ ၁၅
ရန်ကုန်တိုင်းဒေသကြီး၊ အရှေ့ပိုင်းခရိုင်၊ ဒဂုံမြို့သစ်(မြောက်ပိုင်း)မြို့နယ်အတွင်း၌ ကာကွယ်ဆေး ထိုးနှံခြင်းကို သက်ဆိုင်ရာ ဦးစားပေးအစီအစဉ်အလိုက် ဦးတည်အုပ်စုများအား ကိုဗစ်-၁၉ရောဂါ ကာကွယ်ဆေးကို ထိုးနှံပေးလျက်ရှိရာ ယမန်နေ့ နံနက် ၁၀ နာရီမှစတင်၍ နိုင်ငံ့ဝန်ထမ်းများ၊ မိသားစုဝင်များနှင့် ပြည်သူ (၁၂၆) ဦးတို့အား Booster ထပ်ဆောင်းကာကွယ်ဆေးအဖြစ် ရုရှားနိုင်ငံထုတ် Sputnik Light ကာကွယ်ဆေးကို ၃၈ ရပ်ကွက်၊ မင်္ဂလာအေး ကျောင်း တိုက်၌ ဆက်လက် ထိုးနှံပေးခဲ့ကြောင်း သိရသည်။
ဒဂုံမြို့သစ်(မြောက်ပိုင်း)မြို့နယ်အတွင်း ကိုဗစ်-၁၉ရောဂါဖြစ်ပွားမှုများကို ထိန်းချုပ်နိုင်ရန်နှင့် အိုမီခရွန်ဗိုင်းရပ်ကူးစက်မှုမှ ကာကွယ်နိုင်ရန် ကာကွယ် ဆေးမထိုး နှံရသေးသည့် အသက် (၁၈) နှစ်နှင့် အထက် ပြည်သူများအား ကိုဗစ်-၁၉ ရောဂါကာကွယ်ဆေး ထိုးနှံပေးခြင်းကို အမှတ်(၁၆) ရပ်ကွက် မြို့ဦးစေတီ၊ (၃၈)ရပ် ကွက်ရှိ မင်္ဂလာအေးကျောင်းတိုက်၊ (၄၇) ရပ်ကွက်ဓမ္မာရုံတို့တွင် ကိုဗစ်-၁၉ ရောဂါ ကာကွယ်ဆေးများကိုလည်း ဆက်လက်ထိုးနှံပေးလျက်ရှိရာ ယနေ့တွင် ရုရှားနိုင်ငံထုတ် (Sputnik Vaccine) (၄၈၉) ဦးအား ထိုးနှံပေးခဲ့ ကြောင်းသိရသည်။
သတင်း - မြင့်မြင့်ရီ
မြန်မာနေရှင်နယ်ပို့စ်
No comments:
Post a Comment