MNP ၊ မတ် ၂၆
ရခိုင်ပြည်နယ်၊ ရမ်းဗြဲမြို့နယ်၌ ၂၀၂၁-၂၀၂၂ပညာသင်နှစ် မတ်လ (၃၁)ရက်နေ့မှ ဧပြီလ(၉)ရက်နေ့ထိ ကျင်းပမည့် တက္ကသိုလ်ဝင်စာမေးပွဲကို ရမ်းဗြဲမြို့နယ်အတွင်းရှိ စာစစ်ဌာန(၁၀)ခုတွင် ဖြေဆိုခွင့်လျှောက်ထားကြသည့် ကျောင်းသား/ကျောင်းသူ ( ၂၂၃၀) ဦး ဝင်ရောက်ဖြေဆို ကြမည်ဖြစ်ကြောင်း သိရသည်။
အဆိုပါ တက္ကသိုလ်ဝင်စာမေးပွဲ ကျင်းပမည့် စာစစ်ဌာနများဖြစ်ကြသည့် ရမ်းဗြဲ စာစစ်ဌာနတွင် (၅၆၁)ဦး၊ ရမ်းဗြဲ (ပုလုပ်တောင်)စာစစ်ဌာနတွင်(၃၀၅)ဦး၊ ကုန်ဘောင်စာစစ်ဌာနတွင် (၂၄၁)ဦး ၊ ဇရပ်ပြင်စာစစ်ဌာနတွင်(၁၀၃)ဦး ၊ ကျောက်နီမော်စာစစ်ဌာနတွင်(၃၅၇)ဦး၊ ဦးကာပြင်စာစစ်ဌာနတွင်(၁၁၉)ဦး ၊ ကျောက်တွေစာစစ်ဌာနတွင် (၄၆)ဦး ၊ ဗောဓိ စစာစစ်ဌာနတွင် (၁၉၆) ဦး၊ မီးကျောင်းတက်စာစစ်ဌာနတွင် (၂၀၆) ဦး နှင့် မြေပုံစာစစ်ဌာနတွင် (၉၂) ဦး ဝင်ရောက်ဖြေဆိုကြမည်ဖြစ်ပြီး ကျောင်းတွင်းဖြေဆိုသူ (၁၁၁၇)ဦးနှင့် အလွတ်ဖြေဆိုမည့်သူ (၁၁၁၃) ဦးဖြေဆိုကြမည်ဖြစ်ရာ တက္ကသိုလ်ဝင်စာမေးပွဲဖြေဆိုခွင့်ကတ်များကိုလည်း ထုတ်ပေးထားပြီးဖြစ်ကြောင်း မြို့နယ်ပညာရေးမှူးရုံးမှ သိရသည်။
သတင်း - အောင်နိုင်
https://t.me/MyanmarNationalPost
No comments:
Post a Comment