MNP - မတ် ၂၇
ဧရာဝတီတိုင်းဒေသကြီး၊ အမှတ်၊၃ နယ်မြေ ကိုးသိန်းအားကစားကွင်းတွင် အမျိုးသား/ အမျိုးသမီး ကိုယ်ကာယလေ့ကျင့်ရေးခန်းမ အဆောက်အဦသစ် ဖွင့်ပွဲအခမ်းအနားကို ယနေ့နံနက် နံနက် ၈ နာရီခွဲအချိန်၌ ကျင်းပရာ အခမ်းအနားသို့ ဧရာဝတီတိုင်းဒေသကြီး အစိုးရအဖွဲ့ဝန်ကြီးချုပ်နှင့် အစိုးရ အဖွဲ့ဝင်ဝန်ကြီးများ၊ တိုင်း/ခရိုင်/မြို့နယ်အဆင့် ဌာနဆိုင်ရာများ တက်ရောက်ကြသည်။
ရှေးဦးစွာ ကိုယ်ကာယလေ့ကျင့်ရေးခန်းမ ဖွင့်ပွဲအထိမ်းအမှတ် အမှတ်တရပစ္စည်းများကို ကောင်းကျော်ကြားကုပ္ပဏီမှ MD ဦးဝေလင်းဖြိုးမှ ပေးအပ်ရာ တိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းမှ လက်ခံရယူသည်။ ဆက်လက်၍ ဖဲကြိုးဖြတ်ဖွင့်လှစ်ခြင်း အခမ်းအနားကျင်းပရာ ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဦးတင်မောင်ဝင်း၊ လုံခြုံရေး နှင့်နယ်စပ်ရေးရာဝန်ကြီး ဗိုလ်မှူးကြီး ကျော်စွာလှိုင်နှင့် တိုင်းဒေသကြီး လမ်းပန်းဆက်သွယ်ရေးဝန်ကြီး ရဲမှူးကြီး တင်ဇော်ထွန်းတို့က အဆောက်အဦးသစ်ကို ဖဲကြိုးဖြတ် ဖွင့်လှစ်ပေးခဲ့ကြသည်။ ဖွင့်ပွဲအပြီးတွင် တိုင်းဒေသကြီး ဝန်ကြီးချုပ်နှင့် အစိုးရအဖွဲ့ဝင်ဝန်ကြီးများနှင့် တာဝန်ရှိသူများက အဆောက်အဦးသစ်အတွင်း လှည့်လည်ကြည့်ရှုခဲ့ရာ တိုင်းဒေသကြီး အားကစားနှင့်ကာယပညာ ဦးစီးဌာနမှ ညွှန်ကြားရေးမှူး ဦးကျော်မိုးလွင်မှ ရှင်းလင်းတင်ပြခဲ့ ကြောင်းသိရသည်။
အဆောက်အဦသစ်ကို ၂၀၂၀-၂၀၂၁ ဘတ်ဂျက်တွင် ခွင့်ပြုရံပုံငွေ ကျပ်သန်း ၁၀၂.၉၆ သန်း ဖြင့်အပြီးသတ် တည်ဆောက်ခဲ့ပြီး အဆောက်အဦအမျိုးအစားမှာ RC နှစ်ထပ်ဆောင်ဖြစ်ပြီး ၅၀x၃၀.ပေ ကျယ်ဝန်းကြောင်း သိရသည်။
မြန်မာနေရှင်နယ်ပို့စ်
No comments:
Post a Comment