MNP -မတ် ၂၈
ကရင်ပြည်နယ်၊ သံတောင်ကြီးမြို့နယ်၊ လိပ်သိုမြို့တိုက်နယ်ကျန်းမာရေးဌာနတွင် ကိုဗစ်-၁၉ ရောဂါကို ပိုမိုထိရောက်စွာ ကာကွယ်ထိန်းချုပ်နိုင်ရန်နှင့် ကူးစက်ပြန့်နှံ့မှု လျော့နည်းကျဆင်းစေရန် ရည်ရွယ်၍ ကိုဗစ်-၁၉ရောဂါကာကွယ်ဆေးထိုးလုပ်ငန်းများကို အရှိန် အဟုန်မပျက် ဆက်လက်ထိုးနှံ ပေးလျက်ရှိကြောင်း သိရသည်။
ယခုအခါ လိပ်သိုမြို့တွင် အဌမအသုတ် ထိုးနှံမှုအဖြစ် တစ်ကြိမ်တစ်ခါမျှ ကာကွယ်ဆေး မထိုးနှံရသေးသော အသက်(၁၈)နှစ်နှင့်အထက် ပြည်သူများအား Covid Shield ကာကွယ် ဆေးကို ထိုးနှံပေးလျက်ရှိပြီး ပထမအသုတ် ထိုးနှံမှုတွင် Covid Shield ကာကွယ်ဆေးကို ၂ကြိမ်ထိုးနှံပြီးစီးခဲ့သော ဌာနဆိုင်ရာဝန်ထမ်းများနှင့် ပြည်သူများအား Booster အဖြစ် CovaXin ကာကွယ်ဆေးကို ကျန်းမာရေးဝန်ထမ်းများက ထိုးနှံပေးလျက်ရှိကြောင်း သိရ သည်။
ဆက်လက်၍ လိပ်သိုမြို့နှင့် ဝေးကွာသော ကျေးရွာများရှိ ပြည်သူများအား ကွင်းဆင်းထိုးနှံ ပေးသွားမည် ဖြစ်ကြောင်းသိရသည်။
သတင်း - နီလာအေး
မြန်မာနေရှင်နယ်ပို့စ်
No comments:
Post a Comment