MNP - မတ် ၂၄
ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့တွင် မုန်တိုင်းအင်အားလျော့နည်းလာပြီး မုန်တိုင်းဘေးမှ ကင်းစင်လာပြီဖြစ်ရာ ဌာနဆိုင်ရာများအနေဖြင့် မိမိတို့ ရုံးအနီးပတ်ဝန်းကျင်၌ ယမန်နေ့များက မိုးသည်းထန်စွာ ရွာသွန်းခဲ့၍ လေပြင်းတိုက်ခတ်မှုကြောင့် ရုံးခြံဝန်းများအတွင်း သစ်ရွက်များကြွေကျခြင်း၊ သစ်ကိုင်း သစ်ခက်များ ကျနေခြင်းများရှိရာ ယနေ့နံနက်(၉:၀၀) နာရီအချိန်က သန့်ရှင်းရေး ပြုလုပ်ခြင်းများကို မြောင်းမြမြို့နယ် စီမံအုပ်ချုပ်ရေးအဖွဲ့၏ ဦးဆောင်လမ်းညွှန်မှုဖြင့် ရုံးဌာနများအလိုက် သန့်ရှင်းရေးများ ပြုလုပ် ဆောင်ရွက် ခဲ့ကြသည်။
မုန်တိုင်းကြောင့် မြောင်းမြမြို့ပေါ်ရှိ ရုံးဌာနများတွင် ပျက်စီးဆုံးရှုံးမှုမရှိကြောင်း သိရပြီး မြောင်းမြမြို့ပေါ်တွင် အပတ်စဉ် စနေနေ့တိုင်း ဌာနဆိုင်ရာ စုပေါင်းသန့်ရှင်းရေးအပြင် မိမိတို့ရုံးပတ်ဝန်းကျင် သန့်ရှင်းစေခြင်း လုပ်ဆောင်ချက်များကို ပုံမှန်သောကြာနေ့တိုင်း ဆောင်ရွက်လျက်ရှိကြောင်းသိရသည်။
သတင်း - ခင်ရူပါအေး
မြန်မာနေရှင်နယ်ပို့စ်
No comments:
Post a Comment