MNP - မတ် ၂၅
မန္တလေးတိုင်းဒေသကြီး၊ ပြင်ဦးလွင်မြို့တွင် လူငယ်ရေးရာအသိပညာပေးဟောပြောပွဲကို ယမနန်နေ့ မွန်းလွဲပိုင်း (၁) နာရီက ရပ်ကွက်ကြီး (၅)ရှိ မြို့တော်ခန်းမ၌ ကျင်းပပြုလုပ်ရာ မန္တလေးတိုင်းဒေသကြီး ဝန်ကြီးချုပ်၊ အစိုးရအဖွဲ့ဝင် ဝန်ကြီးများ၊ တိုင်းအဆင့်၊ ခရိုင်အဆင့်၊ မြို့နယ်အဆင့် ဌာနဆိုင်ရာ တာဝန်ရှိသူများ၊ ဆရာ / ဆရာမများနှင့် ကျောင်းသား/ကျောင်းသူများ တက်ရောက်ကြသည်။
ရှေးဦးစွာ မန္တလေးတိုင်းဒေသကြီး ဝန်ကြီးချုပ် ဝဏ္ဏကျော်ထင် ဦးမောင်ကိုမှ အဖွင့်အမှာစကား ပြောကြားပြီး ပြင်ဦးလွင်ခရိုင် ပညာရေးမှူး ဒေါက်တာရွှေစင်အိမှ စိတ်ဓါတ်နှင့် စည်းကမ်းဆိုင်ရာ အကြောင်းဟောပြောဆွေးနွေးခြင်း၊ ပြင်ဦးလွင်ခရိုင် အားကစားနှင့်ကာယပညာဦးစီးဌာန၊ ခရိုင်ဦးစီးမှူး ဦးအောင်နိုင်ထူးမှ လူငယ်နှင့်အားကစားဆိုင်ရာအကြောင်း ဟောပြောဆွေးနွေး ခြင်းနှင့်ပြင်ဦးလွင်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူး ဒေါ်ငုချိုချိုကျော်မှ လူငယ်နှင့်စာရိတ္တ မြှင့်တင်ရေးဆိုင်ရာအကြောင်းတို့အား ဟောပြောဆွေးနွေးခဲ့ကြသည်။
ဆက်လက်ပြီး မန္တလေးတိုင်းဒေသကြီး ဝန်ကြီးချုပ် ဝဏ္ဏကျော်ထင် ဦးမောင်ကိုမှ ပညာရေးဌာနမှ တာဝန်ရှိသူများအား အားကစားပစ္စည်းများနှင့် တရားစာအုပ်များ ပေးအပ်ခဲ့ပြီး ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဗဟုသုတရရှိစေရန် စာအုပ်စာစောင်များ ခင်းကျင်းပြသခဲ့ကြောင်း သိရှိရသည်။
မြန်မာနေရှင်နယ်ပို့စ်
No comments:
Post a Comment