MNP - မတ် ၂၈
ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်တွင် ကိုဗစ်-၁၉ရောဂါ ကာကွယ်တားဆီးနိုင်စေရေးအတွက် ယနေ့ နံနက်(၉)နာရီ အချိန်က မြို့ပေါ်ရှိ ပဲခူးလမ်းမပေါ်ရှိ လူနေစည်ကားရာနေရာများ၌ မြို့နယ်ကိုဗစ်-၁၉ရောဂါ ကာကွယ်ထိန်းချုပ် စောင့်ကြည့်ရေး လုပ်ငန်း ကော်မတီအဖွဲ့ဝင်များက နှာခေါင်းစည်း (Mask)မတပ်ဆင်သူများအား စစ်ဆေး၍ တပ်ဆင်စေပြီး အသိပညာပေး ခြင်းများ ဆောင်ရွက်ခဲ့ကြောင်း သိရသည်။
ထိုသို့ဆောင်ရွက်ရာတွင် မြို့နယ်ကိုဗစ်-၁၉ရောဂါ ကာကွယ်ထိန်းချုပ် စောင့်ကြည့်ရေးလုပ်ငန်း ကော်မတီအဖွဲ့ဝင်များက လမ်းသွားလမ်းလာသူများ၊ ဆိုင်ကယ်စီးသူများအား နှာခေါင်းစည်း (Mask) မတပ်ဆင်သူများကို အသိပညာပေး၍ အခုဝယ် အခုတပ်ဆင်စေခြင်းစနစ်ဖြင့် စစ်ဆေးဆောင်ရွက်ခဲ့ကြောင်း သိရသည်။
ဖြူးမြို့နယ်တွင် ကိုဗစ်-၁၉ရောဂါကွင်းဆက် ပြတ်တောက်စေရန် တစ်ပတ်လျှင် (၅) ကြိမ် အဖွဲ့(၅) ဖွဲ့ခွဲ၍ ဆောက်ရွက် နေကြောင်း မြို့နယ်ကိုဗစ်-၁၉ရောဂါထိန်းချုပ်ရေးနှင့် အရေးပေါ်တုံ့ပြန်ရေး ကော်မတီမှ သိရသည်။
သတင်း - နေမျိုးလွင်
မြန်မာနေရှင်နယ်ပို့စ်
No comments:
Post a Comment