MNP ၊ ဧပြီ ၃၀
တာချီလိတ်ခရိုင်၊ တာချီလိတ်မြို့နယ် လွယ်တော်ခမ်း ကျေးရွာအုပ်စု၊ စန်းလုကျေးရွာ၌ ယနေ့နံနက်ပိုင်း မိုးများရွာသွန်းစဉ် မိုးကြိုးပစ်ရာမှ အိမ်တွင်း လျှပ်စစ်စီးဝင်ကာ နေအိမ်တစ်လုံးမီးလောင်မှု ဖြစ်ပွါးခဲ့ကြောင်း သိရှိရသည်။
ပျဉ်ထောင်အိမ်ဖြစ်ခြင်းကြောင့် အချိန်မီ မီးမငြိမ်းသတ်နိုင်ဘဲ တအိမ်လုံးလောင်ကျွမ်း ပျက်စီးခဲ့ကြောင်းနှင့် မီးလောင်မှုကို စစ်ဆေးရာ မိုးကြိုးပစ်ရာမှ လျှပ်စစ်ဝါယာကြိုးအတွင်း လျှပ်စစ်စီးကူး၍ လောင်ကျွမ်းရခြင်းဖြစ်ကြောင်း သိရှိရသည်။
မီးလောင်ကျွမ်းခြင်းကြောင့် ခြေတန်ရှည် ပျဉ်ထောင်အိမ် တလုံး ပြိုကျ လောင်ကျွမ်းပျက်စီးပြီး ထိခိုက်ဒဏ်ရာရသူမရှိကြောင်း ကျေးရွာနေ ပြည်သူများ၏ ဝိုင်းဝန်းငြိမ်းသတ်မှုနှင့်အတူ မီးများ အညွန့်ကျိုးအောင် ငြိမ်းသတ်နိုင်ခဲ့ပြီး ခရိုင်မီးသတ်တပ်ဖွဲ့များမှ မီးကြွင်းမီးစများ မကျန်အောင် ငြိမ်းသတ်ခြင်းလုပ်ငန်းများ ဆောင်ရွက်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment