MNP - ဧပြီ ၁၁
ရှမ်းပြည်နယ် (မြောက်ပိုင်း)၊ ကျောက်မဲခရိုင်၊ နမ္မတူမြို့နယ်၊ မြို့နယ်စီမံအုပ်ချုပ်ရေးအဖွဲ့မှ ဦးဆောင်၍ မီးဘေးအန္တရာယ်ကြိုတင်ကာကွယ်ရေး လက်တွေ့သရုပ်ပြ ဇာတ်တိုက်လေ့ကျင့်ခြင်းကို ယနေ့နံနက် (၁၀)နာရီအချိန်က နမ္မတူမြို့နယ် မြို့မဈေးကြီး၌ ဆောင်ရွက်ခဲ့သည်။
ထိုသို့ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဝင်းမင်းထွန်း၊ မြို့နယ် ရဲတပ်ဖွဲ့မှ ရဲမှူး ကျော်ဇော်အောင်၊ မြို့နယ်မီးသတ်ဦးစီးဌာနမှ မြို့နယ်ဦးစီးမှူး ဦးဝဏ္ဏထွန်းအေး၊ မြို့နယ် စည်ပင်သာယာရေးဦးစီးဌာနမှ ခေတ္တအမှုဆောင်အရာရှိ ဒေါ်အေးမာဝင်းနှင့် ဌာနဆိုင်ရာ တာဝန် ရှိသူများ၊ ဈေးသူဈေးသားများ တက်ရောက်ခဲ့ကြပြီး မြို့နယ်မီးသတ်ဦးစီးဌာနမှ မြို့နယ်ဦးစီးမှူး ဦးဝဏ္ဏထွန်းအေးက အရေးပေါ်မီးလောင်မှု ဖြစ်ပွားပါက မီးသတ်ဆေးဘူး အသုံးပြု၍ မီးငြှိမ်းသတ် နည်းများအား ရှင်းလင်းပြောကြားပြီး တက်ရောက်လာသည့် ဌာနဆိုင်ရာ တာဝန်ရှိသူများနှင့် ဈေးသူဈေးသားများက ကိုယ်တိုင်ပါဝင်၍ လက်တွေ့မီးငြှိမ်းသတ်ခြင်းနှင့် မီးသတ်တပ်ဖွဲ့ဝင်များက ရေသယ်ယာဉ် (၂)စီးဖြင့် စုပေါင်းမီးငြှိမ်းသတ်ခြင်းကို ဇာတ်တိုက်လေ့ကျင့် ခဲ့သည်။
ထို့နောက် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌက လိုအပ်သည်များကို ရှင်းလင်းဆွေးနွေး ပြောကြားပြီး အရေးပေါ်မီးလောင်မှုဖြစ်ပွားပါက သက်ဆိုင်ရာတာဝန်ရှိသူများက အချိန်မီ ပူးပေါင်းပါဝင် ဆောင်ရွက်နိုင်ရေး ပေါင်းစပ်ညှိနှိုင်း ဆောင်ရွက်ပေးခဲ့သည်။
သတင်း - လူမော်
မြန်မာနေရှင်နယ်ပို့စ်
No comments:
Post a Comment