ငပလီမြို့၌ ကိုယ်ဝန်ဆောင်မိခင်များနှင့် အသက်နှစ်နှစ်အောက်ကလေးငယ်များအား ထောက်ပံ့ကြေးငွေပေးအပ်

MNP ၊ ဧပြီ ၁၉

ရခိုင်ပြည်နယ်၊ သံတွဲခရိုင်၊ ငပလီမြို့၌ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊လူမှုဝန်ထမ်းဦးစီးဌာနမှ၂၀၂၁ခုနှစ်၊ အောက်တိုဘာလမှ ဒီဇင်ဘာလအထိ ကိုယ်ဝန်ဆောင်မိခင်များနှင့် အသက်နှစ်နှစ်အောက်ကလေးငယ်များအား ထောက်ပံ့ငွေပေးအပ်ခြင်းကို ယနေ့နံနက်၁၁နာရီအချိန်တွင် ဇီးဖြူကုန်းအုပ်ချုပ်ရေးမှူးရုံး၌ ပြုလုပ်ခဲ့ကြောင်းသိရှိရသည်။

အဆိုပါထောက်ပံ့ငွေကို ငပလီမြို့အုပ်ချုပ်ရေးမှူး ဦးနိုင်လင်း၊ လူမှုဝန်ထမ်းဦးစီးဌာနမှ ဒုတိယဦးစီးမှူး ဒေါ်စောမြတ်သန္တာနှင့် တာဝန်ရှိသူများက ကိုယ်ဝန်ဆောင်မိခင်နှင့် နှစ်နှစ်အောက်ကလေးငယ် (၁၃၂)ဦးအတွက်ငွေကျပ်(၅၇၆၀၀၀၀ိ/-) ကို ရပ်ကွက်၊ ကျေးရွာအုပ်ချုပ်ရေးမှူးများထံသို့ လွှဲပြောင်းထောက်ပံ့ပေးအပ်ခဲ့သည်။

အဆိုပါထောက်ပံ့ငွေများအား ရပ်ကွက်အုပ်ချုပ်ရေးမှူးများမှ တစ်ဆင့်ကိုယ်ဝန် ဆောင်မိခင်နှင့် နှစ်နှစ်အောက်ကလေးငယ်များသို့ ပေးအပ်သွားမည်ဖြစ်ကြောင်း သိရသည်။

သတင်း - သန်းနု( ငပလီ )

https://t.me/MyanmarNationalPost