MNP - ဧပြီ ၂၅
ရန်ကုန်မြောက်ပိုင်းခရိုင်၊ ထန်းတပင်မြို့နယ်တွင် ၂၀၂၁ - ၂၀၂၂ ပညာသင်နှစ် အခြေခံပညာကျောင်းများ၏ ကျောင်းတွင်းစစ် စာမေးပွဲအောင်စာရင်းကို ဧပြီလ (၂၄) ရက်နေ့၊ နံနက်ပိုင်းက မြို့နယ်အတွင်းရှိ သက်ဆိုင်ရာအခြေခံပညာကျောင်းများအလိုက် ထုတ်ပြန်ကြေညာခဲ့ကြကြောင်း သိရသည်။
အခြေခံပညာကျောင်းများ၏ ကျောင်းတွင်းစစ်စာမေးပွဲအောင်စာရင်းကို သက်ဆိုင်ရာကျောင်းများအလိုက် ထုတ်ပြန်ကြေညာရာတွင်လည်းကျောင်းသား၊ ကျောင်းသူများနှင့် ၎င်းတို့၏ မိဘများလာရောက်ကြည့်ရှုလျက် ရှိကြောင်းလည်းသိရသည်။
ထန်းတပင်မြို့နယ်အတွင်း အခြေခံပညာကျောင်း (၁၄၉)ကျောင်း၊ ကိုယ်ပိုင်ကျောင်း(၄) ကျောင်းနှင့် ဘုန်းတော်ကြီးသင်ပညာရေးကျောင်း (၂)ကျောင်းရှိပြီး ၂၀၂၂-၂၀၂၃ ပညာသင်နှစ်အတွက် ကျောင်းအပ်လက်ခံမှုများကိုလည်း မေလ (၂၅) ရက်နေ့မှစတင်၍ ဆောင်ရွက်ပေးသွားမည်ဖြစ်ကြောင်း မြို့နယ်ပညာရေးမှူးရုံးမှသိရသည်။
သတင်း - ဇင်မင်းထိုက်
မြန်မာနေရှင်နယ်ပို့စ်
No comments:
Post a Comment