MNP - ဧပြီ ၁၉
စစ်ကိုင်းတိုင်းဒေသကြီး၊ ကန့်ဘလူမြို့နယ်တွင် ကိုဗစ်-၁၉ရောဂါ ကာကွယ်တားဆီးနိုင်ရေးနှင့် ရာနှုန်းပြည့်ထိုးနှံနိုင်ရေးတို့အတွက် စီမံဆောင်ရွက်လျက်ရှိရာ ယနေ့ နံနက် ၈ နာရီက မြို့နယ် ပြည်သူ့ကျန်းမာရေး ဦးစီးဌာန(ဆေးရုံဟောင်း)၌ ကိုဗစ်-၁၉ရောဂါ ကာကွယ်ဆေး ထိုးနှံရန် ကျန်ရှိသူ ပြည်သူများအား ဆက်လက်ထိုးနှံ ပေးလျက်ရှိကြောင်း သိရသည်။
ထိုသို့ကာကွယ်ဆေး ထိုးနှံပေးရာတွင် ကျန်းမာရေး ဝန်ထမ်းများက ကာကွယ်ဆေးထိုးနှံရန် လာရောက်သူ ပြည်သူများကို စာရင်းမှတ်တမ်းရေးသွင်းခြင်း၊ ကျန်းမာရေး စစ်ဆေးခြင်းများ ဆောင်ရွက်ပေးပြီး ကာကွယ်ဆေးများ စနစ်တကျ ထိုးနှံပေးလျက် ရှိသည်။
အဆိုပါ ကိုဗစ်-၁၉ရောဂါ ကာကွယ်ဆေးများ ထိုးနှံပေးခဲ့ရာ ယနေ့အထိ Phase-9 ပထမအကြိမ် အဖြစ် ကာကွယ်ဆေး (Covaxin)ဖြင့် ထိုးနှံသူ ၂၉၂၈ ဦး၊ Sinopharm ဖြင့် ထိုးနှံသူ ၉၀ ဦး၊ Sinovac ဖြင့် ထိုးနှံသူ ၁၈၃ ဦး၊ Covidshield ဖြင့် ထိုးနှံသူ ၁၃၇၉၄ ဦး၊ စုစုပေါင်း ၁၆၉၉၅ ဦး ထိုးနှံပြီးကြောင်း သိရသည်။
သတင်း - အောင်ဝင်းငြိမ်
မြန်မာနေရှင်နယ်ပို့စ်
No comments:
Post a Comment