MNP - ဧပြီ ၂၉
လေပြင်းတိုက်ခတ်မှုကြောင့် ခေါင်မိုးအချို့ပျက်စီးခဲ့သည့် ကချင်ပြည်နယ်၊ ဗန်းမော်ခရိုင်၊ မံစီမြို့နယ်မောရဝတီရပ်ကွက်ရှိ မြို့မဘုန်းတော်ကြီးကျောင်းအတွက် ယမန်နေ့ နေ့လယ် ၁၂ နာရီက ခရိုင်ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ တာဝန်ရှိသူများက ထောက်ပံ့ငွေကျပ် (၉၀၀၀၀/-) ကျပ် ထောက်ပံ့အပ်ခဲ့ကြောင်း သိရသည်။
ထောက်ပံ့ငွေကို ခရိုင်ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ လက်ထောက် ညွှန်ကြားရေးမှူး ဦးမြင့်ဌေးနှင့် မံစီမြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူများ က လာရောက်ထောက်ပံ့ပေးအပ်ခဲ့ရာ ကျောင်းထိုင်ဘုန်းတော်ကြီးနှင့် ကျောင်းဂေါပကအဖွဲ့က လက်ခံခဲ့သည်။
ဧပြီလ ၁၆ ရက်နေ့ညက တိုက်ခတ်သည့် လေပြင်းကြောင့် အဆိုပါ ဘုန်းတော်ကြီးကျောင်း ခေါင်မိုးအချို့နှင့် ဓမ္မာရုံခေါင်မိုးအချို့ ပျက်စီးခဲ့ခြင်းဖြစ်ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment