MNP - ဧပြီ ၂၆
ရန်ကုန်တိုင်ဒေသကြီး၊ တောင်ပိုင်းခရိုင်၊ တံတားမြိုတွင် အသက် ၁၈ နှစ်အထက် ပြည်သူများအား ကိုဗစ်−၁၉ ရောဂါကာကွယ်ဆေး ရာနှုန်းပြည့်ထိုးနှံပြီးစီးရေးအတွက် ရပ်ကွက်များ အတွင်း Mobile အဖွဲ့ဖြင့် ကွင်းဆင်း၍ ကာကွယ်ဆေး ဒုတိယအကြိမ် ဆက်လက်ထိုးနှံပေးခြင်း လုပ်ငန်းများကို ယနေ့ နံနက် (၉) နာရီ အချိန်က ဆောင်ရွက်ခဲ့သည်။
အဆိုပါကာကွယ်ဆေးထိုးနှံပေးခြင်းကို ဦးတည်အုပ်စုအလိုက် သက်ဆိုင်ရာ ရပ်ကွက်များတွင် စုရပ်နေရာများခွဲကာ အသက်(၁၈)နှစ်ပြည့် ပြည်သူများအား ကိုဗစ်-၁၉ ရောဂါ ကာကွယ်ဆေး ဒုတိယအကြိမ် ဆက်လက်ထိုးနှံပေးခြင်းဖြစ်ရာ မြို့စီမံအုပ်ချုပ်ရေးအဖွဲ့၏ စီစဉ်ကြီးကြပ်မှုဖြင့် ဆောင်ရွက်လျက်ရှိပြီး ကျန်းမာရေးဝန်ထမ်းများ၊ မီးသတ်တပ်ဖွဲ့ဝင်များ၊ ကြက်ခြေနီတပ်ဖွဲ့ ဝင်များ၊ အထွေထွေအုပ်ချုပ်ရေးဦးစီးဌာန ဝန်ထမ်းများပူးပေါင်း၍ ကာကွယ်ဆေးထိုးနှံရန် ရောက်ရှိလာသူများအား ကျန်းမာရေးဝန်ကြီးဌာန၏ ကိုဗစ်လမ်းညွှန်ချက်များနှင့်အညီ ဆေးမထိုးနှံမီ ကိုယ်အပူချိန် တိုင်းတာပေးခြင်း၊ သွေးပေါင်ချိန် တိုင်းတာပေးခြင်းတို့ ဆောင်ရွက် ပေးပြီးမှသာ ကာကွယ်ဆေးကို ထိုးနှံပေးခဲ့ခြင်းဖြစ်ကြောင်းသိရသည်။
သတင်း - မိုးဖြူလွင်
မြန်မာနေရှင်နယ်ပို့စ်
No comments:
Post a Comment