MNP - ဧပြီ ၂၅
ရှမ်းပြည်နယ်( အရှေ့ပိုင်း)တာချီလိတ်မြို့ စုပေါင်းဓမ္မာရုံ၌ တတိယအကြိမ်မြောက် အသံမစဲ မဟာပဋ္ဌာန်းရွတ်ပူဇော်ပွဲကို ယနေ့နံနက် ၈ နာရီက ကျင်းပခဲ့ကြောင်း သိရသည်။
အခမ်းအနားတွင် နမောတဿ(၃)ကြိမ် ရွတ်ဆိုဖွင့်လှစ်ခဲ့ပြီး ရောင်ခြည်တော်ဖွင့် ဂါထာတော်ဖြင့် ဘုရားရှင် အားပင့်ခြင်း၊ ဆရာတော်အရှင်သူမြတ်များထံမှ ငါးပါးသီလခံဆောက်တည်ခြင်း၊ ပဋ္ဌာန်း ကျမ်းတော်ကြီးကို ဂါရဝပူဇာ မင်္ဂလာအမှုပြုခြင်းများကိုဆောင်ရွက်ခဲ့ကြပြီး သံဃာတော်နှင့် ဧည့်ပရိတ်သတ်အားလုံးတို့က ပဋ္ဌာန်းပစ္စယုဒ္ဒေသ ပါဠိတော်အား တစ်ပြိုင်တည်းရွတ်ဖတ်ပူဇော် ခဲ့ကြသည်။တတိယအကြိမ်မြောက် အသံမစဲမဟာပဋ္ဌာန်းရွတ်ဖတ်ပူဇော်ပွဲကို ၅ ရက်တိုင်ရွတ်ဖတ် ပူဇော်မည်ဖြစ်ကြောင်း သိရှိရသည်။
သတင်း - ယာဆေး
မြန်မာနေရှင်နယ်ပို့စ်
No comments:
Post a Comment