MNP ၊ ဧပြီ ၂၆
မွန်ပြည်နယ်အတွင်း သတင်းမှန်ပြန်ကြားရေးနှင့် မီဒီယာကဏ္ဍ တိုးတက်စေရေးအတွက် လုပ်ငန်းညှိနှိုင်း အစည်းအဝေးကို ယနေ့နံနက်ပိုင်းက ပြည်နယ်အစိုးရအဖွဲ့ရုံး၊ အောင်ဆန်းခန်းမတွင် ကျင်းပပြုလုပ်ခဲ့ရာ မွန်ပြည်နယ်ဝန်ကြီးချုပ် ဦးဇော်လင်းထွန်းနှင့် သက်ဆိုင်ရာ တာဝန်ရှိသူများ တက်ရောက်ခဲ့သည်။
အစည်းအဝေးတွင် ပြည်နယ်ဝန်ကြီးချုပ်က လုံခြုံရေး၊ တရားဥပဒေစိုးမိုးရေးနှင့် ပြည်နယ်အတွင်း ဖွံ့ဖြိုး တိုးတက်ရေးအတွက် မီဒီယာကဏ္ဍသည် အရေးပါကြောင်း၊ မီဒီယာကဏ္ဍတွင် ကိုယ်ပိုင်လှုမှုကွန်ယက် စာမျက်နှာများ လုပ်ဆောင်ချက်များကိုလည်း တိုးတက်ကောင်းမွန်စွာ ဆောင်ရွက်ကြစေလိုကြောင်း၊ မဟုတ်မမှန် သတင်းဖော်ပြထားသော မီဒီယာများ တည်ထောင် ထားသည်များကိုလည်း ပြတ်ပြတ်သားသား အရေးယူလုပ်ဆောင်ရန် လိုအပ်ကြောင်း၊ မီဒီယာကဏ္ဏ တိုးတက်ရေးတွင်လည်း အထူးလိုအပ်ကြောင်း၊ ထို့ကြောင့် ပြည်သူလူထုအကြား သတင်းအမှန်သိရှိရေးအတွက် သတင်းမှန်ထုတ်ပြန်နိုင်ရေးလည်း လုပ်ဆောင် စေလိုကြောင်း၊ တက်ရောက်လာသူများအနေဖြင့်လည်း သတင်းမီဒီယာကဏ္ဍ တိုးတက်ရေးအတွက် ဝိုင်းဝန်း ဆွေးနွေး အကြံပြုပေးကြစေလိုကြောင်း ပြောကြားခဲ့သည်။
ထိုနောက် သယံဇာတရေးရာဝန်ကြီး ဦးအောင်ကြည်သိန်းနှင့် ပြည်နယ်လုံခြုံရေးနှင့် နယ်စပ် ရေးရာဝန်ကြီး ဗိုလ်မှူးကြီး နေထွဋ်ဦးတို့က ပြည်နယ်အတွင်း လုံခြုံရေး သတင်းများနှင့် ပတ်သက်သည့် သတင်းအမှားများ အား သတင်းမှန်ထုထ်ပြန်နိုင်ရေး၊ ပြည်သူများ သတင်းမှန် သိရှိစေရေးအတွက် ဆွေးနွေးတင်ပြခဲ့ပြီး အစည်း အဝေးသို့ တက်ရောက်လာသူများမှ ဆွေးနွေးတင်ပြခဲ့မှုအပေါ် ပြည်နယ်ဝန်ကြီးချုပ်က လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့သည်။
မွန်ပြည်နယ်အနေဖြင့် သတင်းတိကျမှန်ကန်မှုရှိစေရေး အချိန်နှင့်တစ်ပြေးညီ သတင်းထုတ်ပြန် နိုင်ရေး သက်ဆိုင်ရာ ဌာနများမှလည်း ဝိုင်းဝန်းဆောင်ရွက်ပေး လျက်ရှိပါကြောင်း သိရသည်။
သတင်း - ခင်စန်းမြင့်
https://t.me/MyanmarNationalPost
No comments:
Post a Comment