MNP - ဧပြီ ၂၅
ရှမ်းပြည်နယ်(မြောက်ပိုင်း) လားရှိုးခရိုင် သိန္နီမြို့နယ်တွင် အသက်(၄၀)နှစ်နှင့်အထက် ကိုဗစ်−၁၉ ရောဂါကာကွယ်ဆေး(၂)ကြိမ် ထိုးနှံပြီးသူများအား Booster ထပ်ဆောင်းထိုးနှံခြင်းကို ယနေ့နံနက် ၁၀ နာရီအချိန်မှစ၍ သိန္နီမြို့၊ သာသနာ့ဗိမာန်တော်ကြီးတွင် ထိုးနှံပေးလျက်ရှိသည်။
ထို့သို့ ကာကွယ်ဆေးထိုးနှံရာတွင် ကိုဗစ်−၁၉ရောဂါ ကာကွယ်ဆေး(၂)ကြိမ် ထိုးနှံပြီး၍ (၆)လပြည့်သူများ အသက်(၄၀)နှစ်နှင့်အထက် ဒေသခံပြည်သူများနှင့် ဌာနဆိုင်ရာများကို ကိုဗစ်-၁၉ ရောဂါကာကွယ်ဆေး Booster ထပ်ဆောင်းထိုးနှံပေးခြင်းဖြစ်သည်။ သိန္နီမြို့နယ်တွင် အသက် (၁၈)နှစ်ပြည့်ပြီး ကာကွယ်ဆေးထိုးနှံ ရန်လူဦးရေ (၄၂၇၄၆)ဦးရှိရာ ယနေ့အချိန်ထိ ဆေးထိုးနှံပြီးသူ (၃၁၅၈၇)ဉီးဆေးထိုးနှံပြီးဖြစ်သည်။ ဆေးထိုးနှံရန်ကျန်ရှိသူများအား ဆေးထိုးနှံရေးစုရပ်များတွင် လည်းကောင်း၊ Mobile စနစ်ဖြင့်လည်းကောင်း တစ်မြို့နယ်လုံး ထိုးနှံပြီးစီးရေးဆောင်ရွက်လျက်ရှိကြောင်း မြို့နယ်အထွေထွေအုပ်ချုပ်ရေးဦးစီးဌာနမှ သိရသည်။
သတင်း - စောဥမ္မာ
မြန်မာနေရှင်နယ်ပို့စ်
No comments:
Post a Comment