MNP - မေ ၁၄
၁၃၈၄ခုနှစ်၊ ကဆုန်လပြည့်နေ့၊ ယနေ့တွင် ပဲခူးတိုင်းဒေသကြီး၊ သာယာဝတီခရိုင်၊ မိုးညိုမြို့နယ် အထွေထွေအုပ်ချုပ်ရေးဦးစီးဌာန ဝန်ထမ်းမိသားစုများက ညောင်ရေသွန်းပွဲတော်ကို နံနက် ၉ နာရီက ပြုလုပ်ခဲ့သည်။
ထိုသို့ ညောင်ရေသွန်းလောင်းရာတွင် မိုးညိုမြို့နယ် အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး ဦးမင်းသိဒ္ဓိနှင့် ဝန်ထမ်းများ၊ အမျိုးသမီးရေးရာအဖွဲ့၊ မိခင်နှင့်ကလေးစောင့်ရှောက်ရေး အသင်းဝင်များက ရွှေဉဒေါင်းရပ်ကွက်ရှိ ဝေဇယန္တာ ပရိယတ္တိစာသင်တိုက်အတွင်းရှိ ဗောဓိရွှေညောင်ပင်အား သန့်ရှင်းရေးပြုလုပ်ခြင်း၊ ပန်း၊ ဆီမီးကပ်လှူခြင်းနှင့် ညောင်ရေသွန်းလောင်းခြင်း ကုသိုလ် ကောင်းမှုများ ပြုလုပ်ခဲ့ကြောင်း သိရသည်။
သတင်း - ကိုမင်း
မြန်မာနေရှင်နယ်ပို့စ်
No comments:
Post a Comment